કોંગ્રેસ સાંસદ શશિ થરૂરના પુત્ર ઈશાન થરૂરને અમેરિકામાં નોકરીમાંથી કાઢી મૂકવામાં આવ્યો છે. ખુદ ઈશાન થરૂરે આ સમાચારની પુષ્ટિ કરી છે. ઈશાને સોશિયલ મીડિયા પર એક ઈમોશનલ પોસ્ટ શેર કરી છે અને લખ્યું છે કે તે ખૂબ જ દુઃખી છે. તમને જણાવી દઈએ કે વોશિંગ્ટન પોસ્ટ દ્વારા જે પત્રકારોને નોકરીમાંથી કાઢી મૂકવામાં આવ્યા છે તેમાં ઈશાનનું નામ સામેલ છે. અખબારે તેના આંતરરાષ્ટ્રીય કવરેજ અને સ્પોર્ટ્સ ડેસ્કને અસર કરતા સામૂહિક છટણીની જાહેરાત કરી છે.
ઇશાન ઉપરાંત, ઘણા કર્મચારીઓએ બુધવારે સોશિયલ મીડિયા પર છટણીને વૉશિંગ્ટન પોસ્ટ માટે વિનાશક ક્ષણ તરીકે વર્ણવી હતી. સોશિયલ મીડિયા પ્લેટફોર્મ X પર એક પોસ્ટમાં, ઈશાન થરૂરે એક ખાલી ન્યૂઝરૂમનો ફોટો શેર કર્યો અને લખ્યું, “એક ખરાબ દિવસ.” અન્ય એક પોસ્ટમાં તેણે લખ્યું છે કે મોટાભાગના આંતરરાષ્ટ્રીય સ્ટાફને બરતરફ કરવામાં આવ્યા છે અને તે આનાથી ખૂબ જ દુઃખી છે.
તેણે લખ્યું, “આજે મને વોશિંગ્ટન પોસ્ટમાંથી બરતરફ કરવામાં આવ્યો છે. મોટા ભાગના આંતરરાષ્ટ્રીય સ્ટાફ અને અન્ય ઘણા સાથીદારોને પણ છૂટા કરી દેવામાં આવ્યા છે. અમારા ન્યૂઝરૂમ અને ખાસ કરીને પોસ્ટ માટે આંતરરાષ્ટ્રીય સ્તરે કામ કરનારા પત્રકારો, સંપાદકો અને સંવાદદાતાઓ કે જેઓ મારા મિત્રો અને સાથીદારો છે તેમની સાથે લગભગ 12 વર્ષ સુધી કામ કરવા બદલ હું ખૂબ જ દુઃખી છું.”
