રિપબ્લિકન પ્રતિનિધિ ગ્રેગ સ્ટુબે સોમવારે યુએસમાં H1B વિઝા સ્કીમને સમાપ્ત કરવા માટે નવું બિલ રજૂ કર્યું હતું. તેમણે કહ્યું કે આ યોજના અમેરિકન નાગરિકોને બદલે વિદેશી કામદારોને વધુ પ્રાધાન્ય આપે છે. જેના કારણે સ્થાનિક લોકોને નુકસાન થાય છે. સ્ટુબેએ આ બિલની જાહેરાત કરી હતી. તેની સૌથી વધુ અસર ભારતીયો પર પડશે.
આ પ્રસ્તાવિત કાયદાનું નામ છે ‘એન્ડિંગ એક્સપ્લોઈટેટિવ ઈમ્પોર્ટેડ લેબર એક્ઝેમ્પશન એક્ટ’, જેને ટૂંકમાં એક્ઝાઈલ એક્ટ કહેવામાં આવે છે. આ બિલ દ્વારા ઈમિગ્રેશન અને નેશનાલિટી એક્ટમાં ફેરફાર કરવાનો પ્રસ્તાવ છે, જેથી H1B વિઝા સ્કીમને સંપૂર્ણપણે બંધ કરી શકાય. સ્ટુબે કહ્યું કે અમેરિકન નાગરિકોની સુખાકારી અને સમૃદ્ધિ પર વિદેશી કામદારોને પ્રાથમિકતા આપવી એ આપણા મૂલ્યો અને રાષ્ટ્રીય હિતોને નબળી પાડે છે. અમારા કામદારો અને યુવાનો H1B વિઝા પ્રોગ્રામ દ્વારા વધુને વધુ વિસ્થાપિત થઈ રહ્યા છે. તેમજ તેમના અધિકારોથી પણ વંચિત રાખવામાં આવી રહ્યા છે.
તેમણે કહ્યું કે જો અમે બિન-નાગરિકોને તેમનો હિસ્સો આપવાનું ચાલુ રાખીએ તો અમે અમારા બાળકો માટે અમેરિકન સ્વપ્નને સુરક્ષિત કરી શકતા નથી. તેથી જ હું કામ કરતા અમેરિકનોને ફરીથી પ્રાધાન્ય આપવા માટે EXILE બિલ રજૂ કરી રહ્યો છું.
બિલમાં શું છે?
Steuby ની ઓફિસ અનુસાર, (EXILE એક્ટ) H1B વિઝા પ્રોગ્રામને સંપૂર્ણ રીતે નાબૂદ કરવા ઇમિગ્રેશન અને નેશનાલિટી એક્ટની કલમ 214(g)(1)(A) માં ફેરફાર કરશે. H1B વિઝાની સંખ્યા 2027 થી દર નાણાકીય વર્ષમાં શૂન્ય થઈ જશે.
H1B વિઝા શું છે?
H1B વિઝા એ અમેરિકાનો નોન-ઇમિગ્રન્ટ વર્ક વિઝા છે. આ અંતર્ગત અમેરિકન કંપનીઓને ટેક્નોલોજી, એન્જિનિયરિંગ, મેડિસિન અને ફાઇનાન્સ જેવા વિશેષ ક્ષેત્રોમાં વિદેશી કર્મચારીઓની ભરતી કરવાની છૂટ છે.
