ચાઈલ્ડ ટ્રાફિકીંગની ફરિયાદના આરોપીને ગુજરાત હાઈકોર્ટે જામીન પર મુક્ત કર્યો-આરોપી લગભગ છ મહીનાથી કસ્ટડીમાં છે. આરોપીની ઉંમરને પણ ધ્યાને લેવી જોઈએ અને તેને રેગ્યુલર જામીન પર મુકત કરવો જોઈએ.
(એજન્સી)અમદાવાદ, ચાઈલ્ડ ટ્રાફીકની ફરીયાદના આરોપીને હાઈકોર્ટે જામીન પર મુકત કરવાનો આદેશ કર્યો છ.ે નોધનીય છેકે આરોપીને ધોળકાની કોર્ટે જામીન આપવાના ઈન્કાર કર્યો હતો. અને એવું અવલોકન કર્યું હતું કે આરોપી વિરૂધ્ધ ગંભીર પ્રકારના ગુના નોધાયા છે.
અલબત હાઈકોટે એવું અવલોકન કર્યું હતું કે આરોપીની ગુનામાં કોઈ સીધી સંડોવણી નથી અને તેણે તેની પત્નીના દોરીસંચાર મુજબ કૃત્ય કર્યું હતું. આરોપી ર,૦૮,ર૦રપથી કસ્ટડીમાં છે અને ચાર્જશીટ પણ દાખલ થઈ ગઈ છે. જેને ધ્યાનમાં લેતા આરોપીને રાહત આપવા માટેનો ફીટ કેસ જણાય છે.
આ કેસમાં નીચલી કોર્ટે સમક્ષ રાજય સરકાર દ્વારા જુ રજુઆત કરવામાં આવી હતી એ મુજબ કેસ એવો છેકે આરોપીએ અન્ય સહઆરોપીઓ સાથે મળીને નાણાકીય લાભ માટે ગુનો આચરવા કાવતરું ઘડી કાઢયું હતું. જેમાં એ લોકો સુઈ રહેલી બાળકીનું અપહરણકરીને લઈ ગયા હતા.લ સહઆરોપીએ આ કેસન આરોપીનો સંપર્ક કર્યો હતો. અને બાળકીને પોતાના ઘરે લઈ ગયા હતા. જયાં પહોચીને બાળકીની દુધ પીવડાવ્યું હતું.
ત્યારબાદ આરોપીઓ તેના પત્નીને જાણ કરી હતી અને બાળકીન બે લાખમાં વેચવા માટે અન્ય આરોપીઓને સંપર્ક કર્યો હતો. ત્યારબાદ આરોપીઓ વોલ્વોમાં બેસીને ઔરંગાબાદ ગયા હતા. દરમ્યાન આરોપીઓ બાતમીના આધારે રંગે હાથ પકડાઈ ગયા હતા. તેથી આરોપી બાળકીને વેચવાના ગંભીર પ્રકારના હ્યુમન અને ચાઈલ્ડ ટ્રાફીકીગના ગુનામાં સંડોવાયેલા હોવાનું કોર્ટને જણાવવામાં આવ્યું હતું. આ તમામ બાબતોના આધારે નીચલી અદાલતે જામીનનો ઈનકાર કર્યો હતો.
તેથી આરોપીઓ હાઈકોર્ટના દ્વાર ખખડાવ્યા હતા. જેમાં એવી દલીલ કરી હતી કે, આ કેસની તપાસ પુર્ણ થઈ ગઈ હતી અને ચાર્જશીટ પણ દાખલ કરી દેવામાં આવી છે. એટલું જ નહી. આરોપી લગભગ છ મહીનાથી કસ્ટડીમાં છે. આરોપીની ઉંમરને પણ ધ્યાને લેવી જોઈએ અને તેને રેગ્યુલર જામીન પર મુકત કરવો જોઈએ.
આરોપી કોર્ટે દ્વારા જામીનમાં જે શરતો મુકવામાં આવશે તેને બંધનકર્તા રહેશે અને તપાસમાં સહકાર આપશે. હાઈકોર્ટે આદેશમાં નોધ્યું હતુંકે, આ મામલેબાળકના અપહરણ સહિતના ગંભીર ગુનાનો છે. પરંતુ આરોપી મુખ્ય કાવતરાનો ભાગ ન હોવાનું જણાય છે.
