ઐતિહાસિક મતદાન દેશ માટે પ્રેરણાદાયક-પશ્ચિમ બંગાળમાં પ્રથમ તબક્કામાં ૧પર બેઠક પર રેકોર્ડબ્રેક ૯ર.૧૦ ટકા મતદાન થયું
દેશ સ્વતંત્ર થયાં ત્યારથી અત્યાર સુધીનું કોઈપણ રાજ્યમાં સૌથી વધુ મતદાન છે પહેલા આસામ, કેરળ અને પુડુંચેરીમાં રેકોર્ડબ્રેક મતદાન થયું હતું, હવે પશ્ચિમ બંગાળ તથા તમિલનાડુમાં મતદારોએ અભૂતપૂર્વ મતદાન કરી અગાઉના બધા રેકોર્ડ તોડી નાંખ્યા છે.
પશ્ચિમ બંગાળમાં છૂટાછવાયા હિંસાના બનાવોને બાદ કરતા બન્ને રાજયોમાં શાંતિપૂર્ણ મતદાન થયું હતું. આથી મતદારોએ પૂરવાર કર્યું છે કે ભારત વિશ્વનો સૌથી મોટો લોકશાહી દેશ છે.
ચૂંટણી પંચની ચાંપતી નજર અને સુરક્ષા દળો દ્વારા બંદોબસ્ત ગોઠવવા છતાં ભાજપના ઉમેદવાર પર હુમલો તથા અન્ય એક ભાજપના કાર્યકરની કાર પર હુમલો થયો હતો આ બાબતે અયોગ્ય ગણાવી શકાય.
રાજકીય પક્ષોના કાર્યકરો વચ્ચે થતું ઘર્ષણ પશ્ચિમ બંગાળના રાજકીય દૃશ્યને ઉજાગર કર ેછે જયારે બીજી તરફ તમિલનાડુમાં એક જ તબક્કામાં થયેલ શાંતિપૂર્ણ મતદાનથી દેશને ઘણી રાહત થઈ છે. બન્ને રાજયોમાં રેકોર્ડ બ્રેક મતદાન થયું છે અને મતદારોએ કોને વધુ મત આપ્યા છે. તે બાબત આગામી મે મહિનામાં ચૂંટણીના પરિણામો આવશે ત્યારે ખબર પડશે. અલબત્ત જે કોઈ પરિણામ આવશે તે દેશના રાજકારણને જરૂર અસર કરશે.
પશ્ચિમ બંગાળમાં રેકોર્ડબ્રેક મતદાન થતા દેશના નાગરિકો ચોંકી ઉઠયા છે આ અગાઉ સાત તબક્કામાં થતું મતદાન આ વખતે બે તબક્કામાં પૂર્ણ થશે. અગાઉ શંકા વ્યકત કરવામાં આવતી હતી કે, શું પશ્ચિમ બંગાળમાં બે તબકકામાં મતદાન કરાવવું શક્ય છે ? મતદારોએ શાંતિપૂર્વક મતદાન કર્યું છે, આથી તેમને બિરદાવવા જોઈએ ઉપરાંત ચૂંટણી પંચ તથા સુરક્ષા દળોનો સહયોગ યોગ્ય રહ્યો છે.
જે રાજયમાં સાત તબક્કામાં અગાઉ મતદાન થતું હતું અને ર૦થી વધુ નાગરિકોની હત્યા થતી હતી ત્યાં હવે બધી બાબતો સામાન્ય રહેવી એક લોકશાહી માટે શ્રેષ્ઠ સંકેત છે. મતદાનની સાથે પાંચમાંથી ચાર રાજયોમાં મતદાનની પ્રક્રિયા પૂર્ણ થઈ છે. પાંચ દિવસ પછી પશ્ચિમ બંગાળમાં ૧૪ર બેઠકો પરનું મતદાન થશે. મુખ્ય ચૂંટણી કમિશનર જ્ઞાનેશ કુમારના જણાવ્યા મુજબ પશ્ચિમ બંગાળ અને તમિલ્નાડુમાં આ વખતે આઝાદી પછી અત્યાર સુધીનું સૌથી વધુ મતદાન થયું છે.
તેમણે બધા મતદારોની પ્રશંસા કરી હતી અને કહ્યું હતું કે, ચૂંટણી પંચ દરેક મતદારને બિરદાવે છે જેમણે પોતાના મત્તાધિકારનો ઉપયોગ કર્યો છે. આ અગાઉ બન્ને રાજયોમાં વર્ષ ર૦૧૧માં વિક્રમી મતદાન થયું હતું. જેમાં પશ્ચિમ બંગાળમાં ૮૪.૭ર ટકા અને તમિલનાડુમાં ૭૮.ર૯ ટકા મતદાન નોંધાયું હતું.
પશ્ચિમ બંગાળમાં રાજકીય મોબહિલાઈઝેશન અને એસઆઈઆરની કાર્યવાહીના પગલે આંકડાકીય અસરો મતદાનની ટકાવારી પર થઈ છે. એસઆઈઆરમાં સમગ્ર રાજયમાંથી ૯૧ લાખ મતદારોના નામ કપાયા છે.
રાજયમાં સવારના બે કલાકમાં ૧૮.૭૬ ટકા મતદાન થયું હતું ત્યારબાદ સવારે ૧૧ વાગ્યા સુધીમાં ૪૧.૧૧ ટકા અને ૧ વાગ્યા સુધીમાં ૬ર.૧૮ ટકા મતદાન થયું હતું. રાજય ચૂંટણી પંચના આંકડા મુજબ પશ્ચિમ બંગાળમાં સાંજે ૬ કલાક સુધીમાં ૯૧.૭૪ ટકા મતદાન નોંધાયું હતું.
જેમાં દક્ષિણ દિનાજપુર જિલ્લામાં સૌથી વધુ ૯૩.૧ર ટકા મતદાન થયું હતું. તમિલનાડુની બધી જ ર૩૪ બેઠકો પર મતદારોએ ઉત્સાહપૂર્વક મતદાન કરતાં સાંજે ૬ વાગ્યા સુધીમાં ૮૪.ર૪ ટકા મતદાન થયું હતું. પશ્ચિમ બંગાળમાં ૧૬ જિલ્લામાં ૪૪૩૭૬ મતદાન કેન્દ્રોમાં ૧૬૭ મહિલાઓ સહિત ૧૪૭૮ ઉમેદવારોના ભાગ્યનો નિર્ણય થશે.
