બ્રિટનની રોયલ નેવી દ્વારા ઉપયોગમાં લેવાતા K3 સ્કાઉટ સર્વેલન્સ ડ્રોનને લઈને એક મોટી રાષ્ટ્રીય સુરક્ષા કટોકટી ઊભી થઈ છે. ઉચ્ચ સ્તરીય તપાસમાં સામે આવ્યું છે કે ડ્રોનમાં લગાવવામાં આવેલા કેમેરા ‘હાર્ટબીટ કોમ્યુનિકેશન્સ’ ડેટા ચીનના આઈપી એડ્રેસ પર મોકલતા હતા.
રોયલ મરીન્સ માર્ચથી બ્રિટિશ સંરક્ષણ કોન્ટ્રાક્ટર ક્રેકેન ટેક્નોલોજી ગ્રુપ દ્વારા નૌકાદળને પૂરા પાડવામાં આવેલા આ ડ્રોન્સનો ઉપયોગ કરી રહ્યા હતા. અતિસંવેદનશીલ સૈન્ય બેઠકો અને વિશેષ દળોના પ્રશિક્ષણ વિસ્તારોની નજીક આ ડ્રોન તૈનાતને કારણે ડેટા લીક થવાનો ગંભીર ભય છે.
હાર્ટબીટ કોમ્યુનિકેશન શું છે?
તપાસમાં જાણવા મળ્યું કે ડ્રોનમાં લગાવવામાં આવેલા થર્ડ પાર્ટી કેમેરાના કેટલાક પાર્ટ્સ ચીનથી આવ્યા હતા. આ કેમેરા ચીનમાં સ્થિત સર્વર/IP એડ્રેસ પર સતત ‘હાર્ટબીટ સિગ્નલ’ મોકલી રહ્યા હતા.
તે એક ડિજીટલ સિગ્નલ છે જે ઉપકરણ ઓનલાઈન હોવા અંગે, તેનું સ્થાન અને તેની ચાલતી સ્થિતિ વિશે કંટ્રોલ રૂમ અથવા સર્વરને સતત માહિતી મોકલે છે.
