‘ધુરંધર’ અને તેની સિક્વલ ‘ધુરંધરઃ ધ રિવેન્જ’એ ભારતીય સિનેમાના ઈતિહાસમાં એક નવો રેકોર્ડ બનાવ્યો છે. આ રણવીર સિંહ સ્ટારર ફિલ્મે વિશ્વભરમાં ₹3,000 કરોડથી વધુનું કલેક્શન કર્યું છે. આ આંકડાને સ્પર્શનારી તે ભારતની પ્રથમ ફિલ્મ ફ્રેન્ચાઇઝી બની છે. આ સાથે ‘ધુરંધર’ એ તેલુગુ ફિલ્મ ઈન્ડસ્ટ્રીની ઘણી મોટી ફિલ્મ ફ્રેન્ચાઈઝી (જેમ કે ‘બાહુબલી’ અને ‘પુષ્પા’)ના રેકોર્ડ પણ પાછળ છોડી દીધા છે. રસપ્રદ વાત એ છે કે પાકિસ્તાન સહિત ઘણા દેશોમાં આ ફિલ્મ પર પ્રતિબંધ હોવા છતાં તેણે આ રેકોર્ડ બનાવ્યો છે.
વિશ્વવ્યાપી કલેક્શને ઘણા રેકોર્ડ તોડ્યા
SACNLના એક રિપોર્ટ અનુસાર, ‘ધુરંધર 2’ એ અત્યાર સુધીમાં વિશ્વભરમાં ₹1712 કરોડથી વધુની કમાણી કરી છે. બંને ફિલ્મોની કમાણી વિશે વાત કરીએ તો, ‘ધુરંધર’ અને ‘ધુરંધર-2’ની વિશ્વભરમાં કમાણી ₹3019 કરોડ સુધી પહોંચી ગઈ છે. આ ફિલ્મ 19 માર્ચે સિનેમાઘરોમાં રીલિઝ થઈ હતી અને ખૂબ જ ઓછા સમયમાં તેણે પાર્ટ-1ની કમાણીના તમામ રેકોર્ડ તોડી નાખ્યા હતા. આ વખતે તે હિન્દીની સાથે સાથે દક્ષિણ ભારતીય ભાષાઓમાં પણ રિલીઝ કરવામાં આવી હતી. સુપરસ્ટાર યશની ફિલ્મ ‘ટોક્સિક’ મોકૂફ રાખવામાં આવી હતી અને રણવીરની ધુરંધર 2ને પણ તેનો પૂરો ફાયદો મળ્યો હતો.
આ રેકોર્ડ બનાવનારી પ્રથમ હિન્દી ફિલ્મ છે
ભારતીય બોક્સ ઓફિસ વિશે વાત કરીએ તો, ‘ધુરંધર’ ₹840 કરોડની ચોખ્ખી કમાણી સાથે ₹1000 કરોડનો આંકડો પાર કરનારી પ્રથમ હિન્દી ફિલ્મ બની છે. ભારતમાં ફિલ્મની અત્યાર સુધીની કુલ કમાણી ₹1083 કરોડ સુધી પહોંચી ગઈ છે અને આ ટ્રેન્ડ હજુ પણ ચાલુ છે. અગાઉ, માત્ર ‘પુષ્પા 2: ધ રૂલ’, ‘KGF-2’ અને ‘બાહુબલી 2 ધ કન્ક્લુઝન’ એ ભારતીય બોક્સ ઓફિસ પર ₹1000 કરોડથી વધુનો બિઝનેસ કર્યો હતો.
ટોપ 4માં કઈ ફિલ્મો ધુરંધરથી પાછળ છે?
કમાણીની આ રેસમાં ‘ધુરંધર’એ ઘણી મોટી ફિલ્મોના રેકોર્ડ તોડી નાખ્યા છે. એસએસ રાજામૌલીની ‘બાહુબલી’ ફ્રેન્ચાઈઝીએ કુલ ₹2438 કરોડનું કલેક્શન કર્યું હતું, જ્યારે અલ્લુ અર્જુનની ‘પુષ્પા’ ફ્રેન્ચાઈઝી ₹2221 કરોડ સાથે બીજા સ્થાને હતી. યશ સ્ટારર ‘KGF’ શ્રેણીએ કુલ ₹1453 કરોડની કમાણી કરી હતી. ‘ધુરંધર’ હવે ભારતમાં એકમાત્ર એવી ફ્રેન્ચાઈઝી બની ગઈ છે જેની બંને ફિલ્મોએ ₹1000 કરોડથી વધુનું વિશ્વવ્યાપી ગ્રોસ કલેક્શન કર્યું છે. ફિલ્મ હજુ થિયેટરોમાં છે, તેથી તે જોવાનું બાકી છે કે આંકડા ક્યાં પૂરા થાય છે.
ટોપ 4માં કઈ ફિલ્મો ધુરંધરથી પાછળ છે?
કમાણીની આ રેસમાં ‘ધુરંધર’એ ઘણી મોટી ફિલ્મોના રેકોર્ડ તોડી નાખ્યા છે. એસએસ રાજામૌલીની ‘બાહુબલી’ ફ્રેન્ચાઈઝીએ કુલ ₹2438 કરોડનું કલેક્શન કર્યું હતું, જ્યારે અલ્લુ અર્જુનની ‘પુષ્પા’ ફ્રેન્ચાઈઝી ₹2221 કરોડ સાથે બીજા સ્થાને હતી. યશ સ્ટારર ‘KGF’ શ્રેણીએ કુલ ₹1453 કરોડની કમાણી કરી હતી. ‘ધુરંધર’ હવે ભારતમાં એકમાત્ર એવી ફ્રેન્ચાઈઝી બની ગઈ છે જેની બંને ફિલ્મોએ ₹1000 કરોડથી વધુનું વિશ્વવ્યાપી ગ્રોસ કલેક્શન કર્યું છે. ફિલ્મ હજુ થિયેટરોમાં છે, તેથી તે જોવાનું બાકી છે કે આંકડા ક્યાં પૂરા થાય છે.
