સપાટી પર એવી તાકાત દેખાઈ રહી છે કે આખી દુનિયા જોતી રહે છે, પરંતુ અંદરથી એવો ભય છે કે મૃતદેહોની ગણતરી કરવાની તૈયારીઓ શરૂ થઈ ગઈ છે. ઈરાનના સર્વોચ્ચ નેતા અયાતુલ્લા અલી ખમેનીના નિધન બાદ આજથી તેહરાનમાં તેમના અંતિમ સંસ્કારની વિધિ શરૂ થઈ ગઈ છે. પરંતુ આ દરમિયાન એક ખૂબ જ ચોંકાવનારા અને સનસનાટીભર્યા સમાચાર સામે આવ્યા છે. જર્મનીના પ્રસિદ્ધ મીડિયા હાઉસ WELT, તેહરાનથી મોકલવામાં આવેલા ગુપ્તચર અહેવાલને ટાંકીને દાવો કર્યો છે કે ઈરાન સરકાર ખામેનીના અંતિમ સંસ્કારમાં 1,500 થી 3,000 લોકોના મૃત્યુની અપેક્ષા રાખી રહી છે અને આ માટે યોગ્ય બેકસ્ટેજ તૈયારીઓ પૂર્ણ કરી લેવામાં આવી છે.
રેડ ક્રેસન્ટનો ‘ગુપ્ત’ પત્ર અને કબ્રસ્તાનનું ડરામણું સત્ય
તેહરાનમાં હાજર એક પત્રકારને ઈરાનના નેશનલ ક્રાઈસીસ મેનેજમેન્ટ અને ઈરાની રેડ ક્રેસન્ટ (રેડ ક્રોસ જેવી સંસ્થા) તરફથી ટોપ-સિક્રેટ પત્ર મળ્યો છે. આ ગોપનીય પત્ર ઈરાનના પ્રથમ ઉપરાષ્ટ્રપતિ મોહમ્મદ-રેઝા આરિફને મોકલવામાં આવ્યો છે. આ પત્રમાં સ્પષ્ટ લખ્યું છે કે અંતિમ સંસ્કાર દરમિયાન ભાગદોડ કે અન્ય અકસ્માતમાં 1500 થી 3000 લોકોના મોત થઈ શકે છે.
આ ડરામણી આશંકા વચ્ચે, તેહરાનના સૌથી મોટા કબ્રસ્તાન ‘બેહિશ્ત-એ-ઝહરા’માં હજારો નવી કબરો ઉતાવળે ખોદવામાં આવી છે. તેહરાન મ્યુનિસિપલ કોર્પોરેશનના એક કર્મચારીએ નામ ન આપવાની શરતે આ વાતની પુષ્ટિ કરી છે.
મ્યુનિસિપલ કોર્પોરેશનના એક કર્મચારીએ જણાવ્યું હતું કે, “તૈયાર કબરો ખરેખર અસ્તિત્વમાં છે. સત્તાવાળાઓને સ્પષ્ટપણે કહેવામાં આવ્યું છે કે ભીડ અને આકરી ગરમીને કારણે 3,000 લોકોના મોત થાય તો પણ પરિસ્થિતિ કાબૂ બહાર ન જવી જોઈએ. આ કાળઝાળ ગરમીમાં આટલી મોટી ભીડ વચ્ચે શું થશે તે કોઈને ખબર નથી.”
તેહરાનથી મશહાદ સુધીનો રૂટ અને અબજોનું બજેટ
તેહરાનમાં શનિવારથી શરૂ થયેલી શોકની પ્રક્રિયા અહીં અટકશે નહીં. આ કાફલો કૌમની મુસાફરી કરશે, પડોશી ઇરાકના પવિત્ર શહેરો નજફ અને કરબલા પહોંચશે, અને પછી ગુરુવારે મશહાદમાં સમાપ્ત થશે, જ્યાં ખામેનીને સમાધિ આપવામાં આવશે. ઈરાનના શાસકો દાવો કરી રહ્યા છે કે લગભગ 2 કરોડ લોકો આ અંતિમ સંસ્કારમાં સામેલ થશે.
