સ્પોર્ટ્સ ડેસ્ક. ફિફા વર્લ્ડ કપના ગ્રુપ સ્ટેજની મેચોમાં રોમાંચક અપસેટ અને ટફ મેચ જોવા મળી રહી છે. ગ્રુપ-Kની ખૂબ જ રોમાંચક મેચમાં કોલંબિયાએ પોર્ટુગીઝની મજબૂત ગણાતી ટીમને ડ્રો પર રોકી હતી. આ ડ્રો સાથે, કોલંબિયાએ પોઈન્ટ ટેબલમાં ટોચ પર રહીને તેના ગ્રુપ સ્ટેજનો તબક્કો સમાપ્ત કર્યો, જ્યારે પોર્ટુગલ ગ્રુપમાં બીજા સ્થાને રહ્યું. મેચ દરમિયાન કોલંબિયાના ડેવિન્સન સાંચેઝે બોલ નેટમાં નાખીને પોતાની ટીમને લગભગ જીત અપાવી દીધી હતી. આ ગોલ કોલંબિયા માટે સંભવિત વિજેતા ગોલ સાબિત થઈ શક્યો હોત, પરંતુ રેફરીના નાના ‘ઓફસાઈડ’ નિર્ણયને કારણે, ગોલને નામંજૂર કરવામાં આવ્યો હતો અને મેચ ડ્રોમાં સમાપ્ત થઈ હતી. આ જ જૂથની અન્ય એક મેચમાં, કોંગો ડીઆરએ ઉઝબેકિસ્તાન સામે શાનદાર પ્રદર્શન કર્યું અને તેને 3-1થી હરાવ્યું.
ગ્રુપ-એલઃ ઈંગ્લેન્ડનો પનામા સામે આસાન જીત, ક્રોએશિયા પણ જીતી ગયુંઃ બીજી તરફ ગ્રુપ-એલની મેચોમાં પણ નોકઆઉટ સ્ટેજમાં જગ્યા બનાવવા માટે ટીમો વચ્ચે જંગ જામ્યો:
ઈંગ્લેન્ડ vs પનામા: ઈંગ્લેન્ડે પનામા સામે પોતાનો દબદબો જાળવી રાખ્યો અને મેચ 2-0થી જીતી લીધી. આ શાનદાર જીતને કારણે ઈંગ્લેન્ડ તેના ગ્રુપમાં ટોપર રહીને આગળના રાઉન્ડમાં પહોંચી ગયું છે.
ક્રોએશિયા vs ઘાના: અન્ય એક અઘરા મુકાબલામાં ક્રોએશિયાએ ઘાનાને 2-1થી હરાવી મહત્વપૂર્ણ પોઈન્ટ મેળવ્યા છે.
આ પણ વાંચો – અખબાર પહેલા તમારા રાજ્ય/શહેરના સમાચાર વાંચવા માટે ક્લિક કરો.
