ભારત vs નામિબિયા T20 WC:ટીમ ઈન્ડિયા હવે ICC T20 વર્લ્ડ કપ 2026માં તેની બીજી મેચ માટે તૈયાર છે, જ્યાં તેનો સામનો નામીબિયા સાથે થશે. પ્રથમ મેચમાં જીત બાદ ભારતીય ટીમનો આત્મવિશ્વાસ ચરમસીમા પર છે અને હવે તેની નજર સતત બીજી જીત નોંધાવવા પર રહેશે. ગ્રુપ સ્ટેજની દૃષ્ટિએ આ મેચ ખૂબ જ મહત્વપૂર્ણ માનવામાં આવે છે, કારણ કે દરેક જીત સાથે સેમિફાઇનલનો રસ્તો સરળ બની જશે.
ICC T20 વર્લ્ડ કપમાં ભારતીય ટીમ પોતાની બીજી મેચ નામિબિયા સામે રમશે. બંને દેશો વચ્ચેની આ મેચ 12 ફેબ્રુઆરીએ સાંજે 7 વાગ્યે દિલ્હીના અરુણ જેટલી સ્ટેડિયમમાં રમાશે. પ્રથમ મેચમાં ભારતે અમેરિકાને 29 રને હરાવીને પોતાના અભિયાનની શરૂઆત કરી હતી. હવે ટીમ ઈન્ડિયાની નજર બીજી જીત પર રહેશે.
ભારત અને નામિબિયા વચ્ચે 12 ફેબ્રુઆરીએ રમાનાર મેચનું સ્ટાર સ્પોર્ટ્સ નેટવર્કની ચેનલો પર જીવંત પ્રસારણ કરવામાં આવશે. આ સિવાય ચાહકો Jio Hotstar એપ અને વેબસાઈટ પર પણ લાઈવ મેચની મજા માણી શકે છે.
ICC T20 વર્લ્ડ કપના ઈતિહાસમાં ભારત અને નામિબિયાની ટીમો પહેલા પણ આમને-સામને આવી ચુકી છે. 2021 વર્લ્ડ કપ દરમિયાન બંને ટીમો વચ્ચે મેચ રમાઈ હતી. જ્યાં ટીમ ઈન્ડિયાએ એકતરફી પ્રદર્શન કરતા નામીબિયાને 9 વિકેટે હરાવ્યું હતું. આવી સ્થિતિમાં આગામી મેચ પહેલા ભારતનો દબદબો જોવા મળી રહ્યો છે.
અભિષેક શર્મા, સંજુ સેમસન, તિલક વર્મા, સૂર્યકુમાર યાદવ, રિંકુ સિંહ, હાર્દિક પંડ્યા, અક્ષર પટેલ, જસપ્રિત બુમરાહ, મોહમ્મદ સિરાજ, અર્શદીપ સિંહ અને વરુણ ચક્રવર્તી.
