‘ચંદુ ચેમ્પિયન’ માટે પ્રથમ રાષ્ટ્રીય પુરસ્કાર જીત્યા બાદ કાર્તિક આનંદથી ચીસો પાડે છે…

રાષ્ટ્રીય ફિલ્મ પુરસ્કારો જીત્યા બાદ કાર્તિકે ઈન્સ્ટાગ્રામ પર ખૂબ જ ઈમોશનલ વીડિયો શેર કર્યો છે. આ ક્લિપમાં, કાર્તિકની લાઈવ પ્રતિક્રિયા અને એવોર્ડની જાહેરાત થતાની સાથે જ તેની ખુશીની ચીસો સ્પષ્ટપણે જોઈ શકાય છે.

આ ઐતિહાસિક જીત પછી તરત જ તેના માતા-પિતા ગર્વથી તેને ભેટી પડ્યા. તમને જણાવી દઈએ કે આ વર્ષે આ પ્રતિષ્ઠિત એવોર્ડ કાર્તિક આર્યન અને દિગ્ગજ અભિનેતા મામૂટી વચ્ચે મલયાલમ ફિલ્મ ‘ભ્રમયુગમ’ માટે વહેંચવામાં આવ્યો છે.

વીડિયોમાં કાર્તિક તેના પરિવાર સાથે એવોર્ડની લાઈવ જાહેરાત જોઈ રહ્યો છે. સર્વશ્રેષ્ઠ અભિનેતા તરીકે તેનું નામ જાહેર થતાં જ કાર્તિક આનંદથી ચીસો પાડી ઊઠ્યો.

તરત જ કેમેરો તેના માતાપિતા તરફ વળ્યો, જેમના ચહેરા ગર્વથી ચમકી રહ્યા હતા. તેમણે તેમના પુત્રને ગળે લગાવીને આ મહાન સિદ્ધિ બદલ અભિનંદન પાઠવ્યા હતા. આ ઉજવણીની સૌથી મીઠી અને ભાવનાત્મક ક્ષણ ત્યારે આવી જ્યારે કાર્તિકની માતાએ તેને પ્રેમથી તેના ગાલ પર ચુંબન કરીને આશીર્વાદ આપ્યા.

વીડિયો શેર કરતાં કાર્તિકે લખ્યું, ‘હજી પણ આ લાગણી અનુભવી રહ્યો છું. કેટલીક ક્ષણો શબ્દોની બહાર હોય છે. વર્ષોથી પ્રિય સ્વપ્ન સાકાર થયું, હંમેશા આભારી.

તેણે ઈન્સ્ટા સ્ટોરી પર લખ્યું, ‘સપના સાચા થાય છે.’

તમને જણાવી દઈએ કે ‘ચંદુ ચેમ્પિયન’ ભારત પ્રથમ પેરાલિમ્પિક સુવર્ણ ચંદ્રક વિજેતા મુરલીકાંત પેટકરની બાયોપિક છે. ફિલ્મમાં પેટકરના પાત્રને જીવંત કરવા માટે કાર્તિકે તેના શારીરિક પરિવર્તન પર ખૂબ જ મહેનત કરી હતી.