ભારતીય ટીમનો સ્ટાર સ્પિનર કુલદીપ યાદવ રવિવારે ન્યૂઝીલેન્ડ સામેની પ્રથમ વનડે દરમિયાન મોંઘો સાબિત થયો હતો. વડોદરામાં રમાયેલી મેચમાં કુલદીપને માત્ર એક જ વિકેટ મળી હતી. તેણે શરૂઆતની ઓવરોમાં કેટલીક તકો સર્જી હતી પરંતુ તેને સફળતા મળી ન હતી. તેને પહેલી સફળતા 34મી ઓવરમાં મળી અને આ વિકેટ સાથે તેણે મોટી સિદ્ધિ મેળવી. તે વનડેમાં સૌથી વધુ વિકેટ લેનારો 52મો બોલર બની ગયો છે. તેણે દક્ષિણ આફ્રિકાના દિગ્ગજ લાન્સ ક્લુઝનરને પાછળ છોડી દીધો.
ન્યૂઝીલેન્ડની ઇનિંગ્સની 34મી ઓવરમાં કુલદીપ યાદવે બેટ્સમેન ગ્લેન ફિલિપને પેવેલિયનનો રસ્તો બતાવ્યો હતો. શ્રેયસ અય્યરે આસાન કેચ લીધો હતો. ગ્લેન 19 બોલમાં 12 રન બનાવીને આઉટ થયો હતો. આ વિકેટ સાથે કુલદીપ યાદવે વનડેમાં 192 વિકેટ પૂરી કરી લીધી છે. તેણે લાન્સ ક્લુઝનરને પાછળ છોડી દીધો, જેણે 171 ODI મેચમાં 192 વિકેટ લીધી છે. તેણે એક વખત ચાર વિકેટ ઝડપી છે, જ્યારે તેણે તેની ODI કારકિર્દી દરમિયાન છ વખત પાંચ વિકેટ ઝડપી છે.
કુલદીપ યાદવે 118 ODI મેચમાં 192 વિકેટ લીધી છે. કુલદીપે વનડેમાં 9 વખત 4 વિકેટ ઝડપી છે, જ્યારે તેણે બે વખત પાંચ વિકેટ ઝડપી છે. કુલદીપ યાદવ પાસે ન્યુઝીલેન્ડ સામેની ODI શ્રેણી દરમિયાન ODIમાં 200 વિકેટ પુરી કરવાની સુવર્ણ તક છે. જો કુલદીપ 200 વિકેટ પૂરી કરી લેશે તો તે વનડેમાં આ સિદ્ધિ મેળવનાર ભારતનો 10મો બોલર બની જશે.
ભારત તરફથી વનડેમાં સૌથી વધુ વિકેટ લેવાનો રેકોર્ડ અનિલ કુંબલેના નામે છે. કુંબલેએ 271 મેચમાં 337 વિકેટ લીધી છે. તેણે 8 વખત ચાર વિકેટ અને બે વખત પાંચ વિકેટ ઝડપી છે. કુલદીપ યાદવે આંતરરાષ્ટ્રીય ક્રિકેટમાં 184 મેચમાં 357 વિકેટ લીધી છે. ભારતીય ચાઈનામેન સ્પિનર કુલદીપ યાદવે 2025માં વન-ડે ઈન્ટરનેશનલ ફોર્મેટમાં શાનદાર પ્રદર્શન કર્યું હતું. તેણે 11 મેચમાં કુલ 19 વિકેટ લીધી હતી,
