ઈન્ડોનેશિયાના પૂર્વ જાવાના મદુરા દ્વીપ પાસે રવિવારે સવારે એક મોટી દુર્ઘટના સર્જાઈ હતી. એક પેસેન્જર ફેરી (બોટ) ‘KMP મતિયારા સેન્ટોસા 2’, જેમાં લગભગ 250 મુસાફરો અને ક્રૂ મેમ્બર હતા, દરિયાની વચ્ચે અચાનક આગ લાગી હતી. આ અકસ્માતમાં ઓછામાં ઓછા 5 લોકોના મોત થયા છે, જ્યારે 41 લોકો હજુ પણ લાપતા છે. ઘટનાની માહિતી મળતા જ ઈન્ડોનેશિયાની શોધ અને બચાવ એજન્સીઓએ મોટા પાયે બચાવ કામગીરી શરૂ કરી હતી.
ફેરી સુરાબાયાથી મકાસર જઈ રહી હતી
બચાવ અધિકારીઓના જણાવ્યા અનુસાર, ફેરી સુરાબાયાના તાનજુંગ પેરાક પોર્ટથી સુલાવેસી ટાપુ પર મકાસર શહેર તરફ જઈ રહી હતી. સફર શરૂ થયાના થોડા કલાકો પછી, કેપ્ટને વહાણમાં આગની જાણ કરી. ત્યાર બાદ તરત જ જહાજ સાથેનો રેડિયો અને નેવિગેશન સંપર્ક તૂટી ગયો હતો.
સુરાબાયા શોધ અને બચાવ કાર્યાલયે જણાવ્યું હતું કે ક્રેશ થયેલ ફેરી સાપુડી ટાપુની ઉત્તરે લગભગ 19 નોટિકલ માઈલ દૂર સ્થિત છે.
મુસાફરોએ જીવ બચાવવા માટે દરિયામાં કૂદી પડયા હતા
સોશિયલ મીડિયા પર સામે આવેલા વીડિયો અને પ્રત્યક્ષદર્શીઓ અનુસાર, થોડી જ વારમાં સમગ્ર ફેરીમાંથી કાળો ધુમાડો અને ઉંચી જ્વાળાઓ નીકળવા લાગી.
