મુંબઈઃ ગુરુવારે મહારાષ્ટ્રના ગોંદિયા જિલ્લાની સરકારી નર્સિંગ કોલેજમાં ફૂડ પોઈઝનિંગના કારણે 45 વિદ્યાર્થીઓ બીમાર પડ્યા હતા. આ તમામને સારવાર માટે સરકારી મેડિકલ કોલેજમાં દાખલ કરવામાં આવ્યા છે. પોલીસે નર્સિંગ કોલેજની કેન્ટીનમાંથી ખાણી-પીણીના સેમ્પલ એકત્ર કરી લેબોરેટરીમાં પરીક્ષણ માટે મોકલ્યા છે.
આ ઘટનાની તપાસ કરી રહેલા પોલીસ અધિકારીએ જણાવ્યું કે ગોંદિયા જિલ્લા જનરલ હોસ્પિટલ હેઠળ બાઈ ગંગાબાઈ મહિલા હોસ્પિટલના કેમ્પસમાં સરકારી નર્સિંગ કોલેજ છે. અહીં હોસ્ટેલમાં કુલ 185 વિદ્યાર્થીઓ રહે છે અને નર્સિંગની તાલીમ લઈ રહ્યા છે. આ તમામ વિદ્યાર્થીઓને કોલેજની કેન્ટીનમાંથી ભોજન અને નાસ્તો આપવામાં આવે છે. રાબેતા મુજબ બુધવારે રાત્રે વિદ્યાર્થીઓ રાત્રિભોજન કરીને સૂઈ ગયા હતા.
આ પછી ગુરુવારે સવારે બે-ત્રણ વિદ્યાર્થીઓને પેટમાં દુ:ખાવો અને ઉલ્ટી થવા લાગી હતી અને તેમને તાત્કાલિક મેડિકલ કોલેજમાં સારવાર માટે દાખલ કરવામાં આવ્યા હતા. પરંતુ થોડા સમય પછી નર્સિંગ કોલેજના 45 વિદ્યાર્થીઓ પણ આ જ સમસ્યાનો સામનો કરવા લાગ્યા. આથી આ તમામ વિદ્યાર્થીઓને તાત્કાલિક મેડિકલ કોલેજમાં દાખલ કરીને સારવાર શરૂ કરવામાં આવી છે. સરકારી મેડિકલ કોલેજના ડીન કુસુમાકર ઘોરપડેએ કહ્યું છે કે આ તમામ વિદ્યાર્થીઓની હાલત હજુ પણ જોખમમાં છે.
