દક્ષિણ સુદાનમાં એક પેસેન્જર પ્લેન ક્રેશ થયું, જેમાં સવાર તમામ 14 લોકોના મોત થયા. દેશની સિવિલ એવિએશન ઓથોરિટી (SSCAA)એ આ અકસ્માતની પુષ્ટિ કરી છે. અધિકારીઓએ એક ટીમને અકસ્માત સ્થળ પર તપાસ માટે મોકલી છે. રિપોર્ટ અનુસાર પ્લેન ક્રેશ થવાનું કારણ ખરાબ હવામાન માનવામાં આવે છે. SSCAAએ પોતાના નિવેદનમાં આ જાણકારી આપી.
વિમાને સ્થાનિક સમય અનુસાર સવારે 7:15 વાગ્યે જુબા ઇન્ટરનેશનલ એરપોર્ટથી ઉડાન ભરી અને રાજધાનીથી લગભગ 20 કિલોમીટર દૂર ક્રેશ થયું. સાઉથ સુદાનની સિવિલ એવિએશન ઓથોરિટીએ એક નિવેદન જારી કરીને કહ્યું કે આ દુર્ઘટનામાં કોઈ બચ્યું નથી. દુર્ઘટના સ્થળે પહોંચેલી યુએન રેસ્ક્યુ ટીમના એક સભ્યએ જણાવ્યું કે મૃતદેહો એટલા બળી ગયા હતા કે તેમની ઓળખ કરવી અશક્ય બની ગઈ હતી. આ અકસ્માતમાં 12 દક્ષિણ સુદાન અને 2 કેન્યાના નાગરિકો સામેલ હતા.
દક્ષિણ સુદાન પહેલેથી જ અસ્થિરતા, સંઘર્ષ અને ગરીબીથી પ્રભાવિત છે, અત્યંત નબળા પરિવહન માળખા સાથે. અહી વિમાનો અવારનવાર વધારે વજનના કારણે કે હવામાનના કારણે અકસ્માતનો ભોગ બને છે. આ ઘટના દેશની ફ્લાઈટ સેફ્ટી પર સવાલો ઉભા કરે છે. નિષ્ણાતો કહે છે કે વધુ સારી જાળવણી, તાલીમ અને હવામાનની ચેતવણીના અભાવે આવી ઘટનાઓ વારંવાર બની રહી છે.
