2026માં ભારત માટે પ્રથમ સદી કોણ ફટકારશે? ટીમ ઈન્ડિયા તેના નવા વર્ષની શરૂઆત 11 જાન્યુઆરીથી ન્યુઝીલેન્ડ સામે ત્રણ મેચની વનડે સીરીઝથી કરવા જઈ રહી છે. આ સીરીઝમાં ફેન્સ વિરાટ કોહલી અને રોહિત શર્મા જેવા દિગ્ગજને જોવાના છે. છેલ્લી બે સિરીઝમાં પણ કોહલી અને રોહિતે ચાહકોનું ખૂબ મનોરંજન કર્યું હતું. ઓસ્ટ્રેલિયા પ્રવાસ દરમિયાન રોહિત શર્મા પ્લેયર ઓફ ધ સીરીઝ બન્યો અને વિરાટ કોહલી દક્ષિણ આફ્રિકા સામે ઘરઆંગણે રમાયેલી વનડે સીરીઝમાં પ્લેયર ઓફ ધ સીરીઝ બન્યો. આ બંને સદી ફટકારીને વર્ષ 2025નો અંત આવ્યો. હવે રોહિત-કોહલી 2026ની શરૂઆત સદીથી કરવા ઈચ્છશે.
છેલ્લા 15-16 વર્ષના આંકડાઓ પર નજર કરીએ તો, વર્ષની પ્રથમ સદી ફટકારવામાં વિરાટ કોહલી અને રોહિત શર્માનો દબદબો રહ્યો છે. 2010 થી, વિરાટ કોહલીએ ભારત માટે 5 વખત વર્ષની પ્રથમ સદી ફટકારી છે, જ્યારે રોહિત શર્માએ 4 વખત આ કારનામું કર્યું છે.
જોકે, વિરાટ કોહલીએ વર્ષની પ્રથમ સદી ફટકાર્યાને 7 વર્ષ થઈ ગયા છે. તેણે 2018માં ભારત માટે વર્ષની પ્રથમ સદી ફટકારી હતી. આ પહેલા તેણે 2017, 2014, 2013 અને 2012માં આ કર્યું હતું.
જો આપણે રોહિત શર્મા વિશે વાત કરીએ, તો તેણે છેલ્લે વર્ષ 2024માં સદીથી શરૂઆત કરી હતી. રોહિત શર્મા આ પહેલા 2021, 2020 અને 2016માં કરી ચૂક્યો છે.
