જાપાનમાં સુનામી એલર્ટ: જાપાનના ઉત્તર-પૂર્વ ભાગમાં ભૂકંપના જોરદાર આંચકા અનુભવાયા છે. જાપાનની હવામાન વિજ્ઞાન એજન્સીના જણાવ્યા અનુસાર, સોમવારે (8 ડિસેમ્બર) દરિયાકાંઠે આવેલા 7.6-ની તીવ્રતાના ભૂકંપ બાદ જાપાનના પૂર્વ કિનારાના ભાગો માટે સુનામીની ચેતવણી જારી કરવામાં આવી છે. યુનાઈટેડ સ્ટેટ્સ જીઓલોજિકલ સર્વે (યુએસજીએસ) એ જણાવ્યું છે કે ભૂકંપ સ્થાનિક સમય મુજબ રાત્રે 11.15 વાગ્યે (ભારતીય સમય મુજબ સાંજે 7.45 વાગ્યે), દેશના ઉત્તરી કિનારે લગભગ 44 માઈલ (70KM) દૂર અને લગભગ 33 માઈલની ઊંડાઈએ આવ્યો હતો.
એજન્સીએ જણાવ્યું હતું કે ભૂકંપ ઓમોરી અને હોકાઈડોના દરિયાકિનારે આવ્યો હતો. ભૂકંપ બાદ એજન્સીએ આ વિસ્તારમાં સુનામી (દરિયાઈ મોજા 10 ફૂટ ઉંચા ઉછળતા)ની ચેતવણી જારી કરી છે. જાપાની એજન્સીએ કહ્યું છે કે ઈશીકાવા પ્રીફેક્ચર અને તેની આસપાસના વિસ્તારો સૌથી વધુ જોખમમાં છે. ભૂકંપના જોરદાર આંચકાના કારણે સમગ્ર વિસ્તારમાં ભયનો માહોલ છે. પબ્લિક બ્રોડકાસ્ટર NHKએ જણાવ્યું હતું કે આ વિસ્તારમાં પરમાણુ પાવર પ્લાન્ટની સુરક્ષા તપાસ કરવામાં આવી રહી છે. આ સાથે એજન્સીએ લોકોને તાત્કાલિક ઉચ્ચ સ્થળોએ જવા અને બીચથી દૂર રહેવાની અપીલ કરી છે. ટીવી ચેનલો પર ઈમરજન્સીની માહિતી સતત પ્રસારિત થઈ રહી છે.
તાત્કાલિક ઉચ્ચ સ્થાનો પર જવા માટે અપીલ
સીએનએનના અહેવાલ મુજબ ભૂકંપ એટલો જોરદાર હતો કે રાજધાની ટોક્યોમાં પણ 30 સેકન્ડથી વધુ સમય સુધી તેના આંચકા અનુભવાયા હતા. પબ્લિક બ્રોડકાસ્ટર NHKએ જણાવ્યું હતું કે આ વિસ્તારમાં પરમાણુ પાવર પ્લાન્ટની સુરક્ષા તપાસ કરવામાં આવી રહી છે. આ સાથે એજન્સીએ લોકોને તાત્કાલિક ઉચ્ચ સ્થળોએ જવા અને બીચથી દૂર રહેવાની અપીલ કરી છે. ટીવી ચેનલો પર ઈમરજન્સીની માહિતી સતત પ્રસારિત થઈ રહી છે. હજુ સુધી કોઈ જાન-માલના નુકસાનના સમાચાર નથી પરંતુ રાહત એજન્સીઓ સતર્ક છે અને બચાવ કામગીરી શરૂ કરી દીધી છે.
જાપાન ભૂકંપથી પ્રભાવિત દેશ છે
જાપાન ભૂકંપથી પ્રભાવિત દેશ છે. ઉત્તરીય કિનારો (આઓમોરી, ઇવાટે, મિયાગી), જાપાનનો સમુદ્ર કિનારો (ઇશિકાવા, નીગાતા, ફુકુઇ), અને પેસિફિક કિનારો (ફુકુશિમા, ચિબા) તેના ઉચ્ચ ક્ષેત્રમાં સમાવિષ્ટ છે, જે પ્રશાંત મહાસાગરની “રીંગ ઓફ ફાયર” પર સ્થિત હોવાને કારણે અત્યંત સક્રિય છે. 2024 અને ડિસેમ્બર 2025માં ઇશિકાવા અને ઉત્તરીય દરિયાકાંઠાના પ્રીફેક્ચર્સમાં તાજેતરમાં મોટા ભૂકંપો આવ્યા છે, જ્યાં સુનામીની ચેતવણી પણ જારી કરવામાં આવી હતી.
