– અમેરિકા અને ઈરાન 10 અઠવાડિયા પછી સીધા વાતચીતના ટેબલ પર
પશ્ચિમ એશિયામાં શાંતિ પુનઃસ્થાપિત કરવા અમેરિકા-ઈરાન સ્વિટ્ઝર્લેન્ડમાં ભેગા થયા
Burgenstock (સ્વિટ્ઝર્લૅન્ડ), એજન્સી. અમેરિકા અને ઈરાન વચ્ચે સ્વિત્ઝર્લેન્ડમાં ચાલી રહેલી ઉચ્ચ સ્તરીય મંત્રણાનો પ્રથમ રાઉન્ડ સમાપ્ત થઈ ગયો છે. ઈરાની સમાચાર એજન્સી ફાર્સ અનુસાર, લગભગ 80 મિનિટ સુધી ચાલેલી આ બેઠકને બંને પક્ષો વચ્ચે ‘આંતરિક પરામર્શ’ માટે અસ્થાયી રૂપે સ્થગિત કરવામાં આવી હતી.
લેબનોન અને પરમાણુ કાર્યક્રમ પર સમાધાન માટેના પ્રયાસો
અમેરિકી ઉપરાષ્ટ્રપતિ જેડી વેન્સ અને ઈરાનના વરિષ્ઠ અધિકારીઓ વચ્ચેની આ વાતચીત પશ્ચિમ એશિયામાં ચાલી રહેલા તણાવને ઘટાડવા અને એક વ્યાપક સમજૂતી તરફ આગળ વધવાના ઉદ્દેશ્ય સાથે થઈ રહી છે. અગાઉ, પશ્ચિમ એશિયામાં શાંતિ પુનઃસ્થાપિત કરવાના ઉદ્દેશ્ય સાથે અમેરિકા અને ઈરાનના ટોચના નેતાઓ વચ્ચે રવિવારે સ્વિટ્ઝર્લેન્ડના બર્ગનસ્ટોક રિસોર્ટમાં મહત્વપૂર્ણ વાતચીત શરૂ થઈ હતી. બંને દેશો 10 અઠવાડિયા પછી સામ-સામે બેઠક કરી રહ્યા છે. યુએસ તરફથી વાઇસ પ્રેસિડેન્ટ જેડી વેન્સ અને ઈરાન તરફથી સંસદના સ્પીકર બાઘેર ગાલિબાફ વાટાઘાટોમાં પ્રતિનિધિમંડળનું નેતૃત્વ કરી રહ્યા છે.
