ઇન્ટરનેશનલ ક્રિકેટ કાઉન્સિલ (ICC) એ મંગળવારે જણાવ્યું હતું કે 2026 T20 વર્લ્ડ કપની પ્રથમ છ મેચો પછી, તેમના ડિજિટલ પ્લેટફોર્મ પર વિડિયો જોવામાં અગાઉના તબક્કાની તુલનામાં 53 ટકાનો વધારો થયો છે.
નિવેદનમાં, વિશ્વ સંસ્થાએ કહ્યું કે તેમના ડિજિટલ પ્લેટફોર્મને કુલ 647 મિલિયન (64.7 કરોડ) વિડિયો વ્યૂઝ મળ્યા છે.
નેપાળ, યુનાઈટેડ આરબ અમીરાત અને અમેરિકા જેવા દેશો કે જેમની રાષ્ટ્રીય ટીમો ટુર્નામેન્ટમાં રમી રહી છે, તેમણે દર્શકોની સંખ્યામાં આ જંગી વધારો કરવામાં મહત્વનો ફાળો આપ્યો છે.
ICCએ કહ્યું, ‘2024થી ICC એપના યુઝર્સની સંખ્યામાં 83 ટકાનો વધારો જોવા મળ્યો છે, જ્યારે ICCની વેબસાઇટ પર આ જ સમયગાળા દરમિયાન યુઝર્સની સંખ્યામાં 16 ટકાનો વધારો થયો છે.’
ICCએ કહ્યું, ‘સૌથી મોટો વધારો પૂર્ણ સભ્ય દેશોની બહારની ટીમોના પ્રશંસકો દ્વારા થયો છે. નેપાળે રવિવારે ગ્રુપ સીની મેચમાં ઈંગ્લેન્ડને જોરદાર ટક્કર આપી હતી. તે આ વૃદ્ધિમાં મોખરે છે અને દક્ષિણ-પૂર્વ એશિયાના આ દેશમાંથી વપરાશકર્તાઓમાં અદભૂત 442 ટકાનો વધારો જોવા મળ્યો છે.’
