બદામ અને સફરજનનું સેવન સ્વાસ્થ્ય માટે ખૂબ જ ફાયદાકારક માનવામાં આવે છે. કારણ કે બંને વસ્તુઓમાં ઘણા પોષક તત્વો હોય છે અને ગુણોથી ભરપૂર હોય છે. જરા કલ્પના કરો કે આ બંનેને મિક્સ કરીને કંઈક બનાવવામાં આવે તો કેવું હશે. હા, બદામ અને સફરજનને મિક્સ કરીને સારી હેલ્ધી વાનગી બનાવી શકાય છે. આજે અમે તમને બદામ-એપલ ચાટ બનાવવાની રેસિપી વિશે જણાવવા જઈ રહ્યા છીએ. તો ચાલો જાણીએ આ રેસિપી વિશે.
બદામ-એપલ ચાટ બનાવવા માટેની સામગ્રી:
– બદામનો એક નાનો વાટકો
– એક લીલું સફરજન
– એક લાલ સફરજન
– એક ચપટી કાળું મીઠું
– 4-5 ફુદીનાના પાન
– એક ચમચી ઓલિવ તેલ
– એક ચમચી લાલ મરચું પાવડર
– અડધી ચમચી લીંબુનો રસ
બદામ-એપલ ચાટ બનાવવાની રીત:
– સૌ પ્રથમ, લીલા અને લાલ બંને સફરજનને નાના ટુકડામાં કાપી લો.
– હવે એક બાઉલમાં બદામ, સમારેલા લીલા અને લાલ સફરજન, ઓલિવ ઓઈલ અને કાળું મીઠું ઉમેરીને બરાબર મિક્ષ કરી લો.
– લાલ મરચું પાવડર અને લીંબુનો રસ મિક્સ કરો.
– બદામ એપલ ચાટ તૈયાર છે. ફુદીનાના પાનથી ગાર્નિશ કરીને સર્વ કરો.
– જો તમે ઈચ્છો તો ચાટ મસાલો પણ ઉમેરી શકો છો.
– પલાળેલી બદામનો ઉપયોગ કરવો વધુ સારું રહેશે.
