ICC મેન્સ T20 વર્લ્ડ કપ 2026 7 ફેબ્રુઆરીથી શરૂ થશે. ક્રિકેટના સૌથી ટૂંકા ફોર્મેટમાં વર્લ્ડ કપની શરૂઆત વર્ષ 2007માં થઈ હતી. અત્યાર સુધીમાં 9 એડિશન રમાઈ ચૂકી છે અને 10મી મેચ રમવાની છે. T20 વર્લ્ડ કપના લાંબા ઈતિહાસમાં અત્યાર સુધી ઘણા રેકોર્ડ્સ બન્યા છે. આવી સ્થિતિમાં, આજે અમે આ ટૂર્નામેન્ટમાં કયા 10 બેટ્સમેનોએ સૌથી વધુ રન બનાવ્યા છે તેની માહિતી આપીશું.
રોહિત અને વિરાટ ટોપ-2માં
T20 વર્લ્ડ કપના ઈતિહાસમાં વિરાટ કોહલી અને રોહિત શર્મા રનના મામલે સૌથી આગળ છે. આ બંને દિગ્ગજોએ પોતાની સાતત્ય અને આક્રમક બેટિંગથી વિશ્વ સ્તરે પોતાની ઓળખ બનાવી છે. વિરાટ કોહલી આ પ્રતિષ્ઠિત ટૂર્નામેન્ટમાં સૌથી વધુ રન બનાવનાર બેટ્સમેન છે, જ્યારે રોહિત શર્મા તેની પાછળ બીજા સ્થાને છે.
T-20 વર્લ્ડ કપમાં Ro-Coનું પ્રદર્શન
વિરાટ કોહલીએ 2012 થી 2024 વચ્ચે 35 મેચની 33 ઇનિંગ્સમાં 1292 રન બનાવ્યા છે, જેમાં તેની એવરેજ 58.72 હતી. જ્યારે, ‘હિટમેન’ રોહિત શર્માએ 2007ની શરૂઆતથી લઈને 2024 સુધી કુલ 47 મેચ રમી છે અને તેના નામે 1220 રન બનાવ્યા છે. રોહિતના નામે આ યાદીમાં સૌથી વધુ 50 છગ્ગા અને 115 ચોગ્ગા ફટકારવાનો અદભૂત રેકોર્ડ પણ છે. આ બંનેએ શ્રીલંકાના ભૂતપૂર્વ કેપ્ટન મહેલા જયવર્દને (1016 રન) જેવા દિગ્ગજ ખેલાડીઓને પાછળ છોડીને ટોચના બે સ્થાનો પર કબજો જમાવ્યો છે.
આ લિસ્ટમાં આ મોટા નામો પણ સામેલ છે
વિરાટ અને રોહિત સિવાય વિશ્વના અન્ય બેટ્સમેનો પણ આ યાદીમાં પ્રભાવ પાડી રહ્યા છે. ઈંગ્લેન્ડના જોસ બટલર (1013 રન) અને ઓસ્ટ્રેલિયાના ડેવિડ વોર્નર (984 રન) ટોપ પાંચમાં પોતાની હાજરીનો અહેસાસ કરાવે છે. વેસ્ટ ઈન્ડિઝના યુનિવર્સ બોસ ક્રિસ ગેલ અને શ્રીલંકાના તિલકરત્ને દિલશાન ટોપ 10માં યથાવત છે. શાકિબ અલ હસન અને કેન વિલિયમસન જેવા ખેલાડીઓ પણ આ યાદીમાં સામેલ છે.
T-20 વર્લ્ડ કપમાં સૌથી વધુ રન બનાવનાર ટોપ-10 બેટ્સમેનઃ
1. વિરાટ કોહલી (ભારત): 1292 રન (2012-2024)
