જેરૂસલેમ, એજન્સી. ઇઝરાયલના સંરક્ષણ પ્રધાન ઇઝરાયેલ કાત્ઝે બુધવારે જણાવ્યું હતું કે અમેરિકાએ દક્ષિણ લેબેનોનમાંથી ઇઝરાયેલી સૈનિકો પાછા ખેંચવાની કોઇ માંગણી કરી નથી. આ નિવેદન એવા સમયે આવ્યું છે જ્યારે અમેરિકાની મધ્યસ્થી હેઠળ ઇઝરાયેલ અને લેબનોન વચ્ચે યુદ્ધવિરામની વાતચીત ચાલી રહી છે. “અમે પહેલાથી જ સ્પષ્ટ કરી દીધું છે કે કોઈ પણ સંજોગોમાં અમે પીછેહઠ કરીશું નહીં,” કાત્ઝે તેલ અવીવમાં સ્થાનિક નેતાઓની કોન્ફરન્સમાં જણાવ્યું હતું. અત્યારે એ રાજદ્વારી સિદ્ધિ છે કે અમેરિકાએ પણ ઇઝરાયલ પાસેથી લેબનોન છોડવાની કોઇ માંગણી કરી નથી. જ્યારે તેમને પૂછવામાં આવ્યું કે જો ભવિષ્યમાં અમેરિકા આવી માંગ કરશે તો ઇઝરાયેલી સૈન્ય તેનું પાલન કરશે કે કેમ, કાત્ઝે કહ્યું કે તેમણે યુએસ પ્રમુખ ડોનાલ્ડ ટ્રમ્પને સ્પષ્ટ કરી દીધું છે કે ઇઝરાયેલી સૈન્ય ઉત્તર ઇઝરાયેલના રહેવાસીઓની સુરક્ષા માટે છે.
આ પણ વાંચોઃ અમેરિકાએ લેબનોનને સૈનિકો પાછા ખેંચવા કહ્યું ન હતુંઃ ઈઝરાયેલના સંરક્ષણ પ્રધાન
આ પણ વાંચો: ઇઝરાયેલ અને લેબનોનમાં ચર્ચા કરાયેલ પ્રદેશને સોંપવાની પાઇલટ યોજના
