રશિયા પાસેથી ક્રૂડ ઓઈલ અને ગેસની ખરીદી કરતા દેશો પર કડક કાર્યવાહી કરવા માટે, યુએસ સંસદે પ્રક્રિયાગત મતદાનમાં ખૂબ જ કડક અને વિવાદાસ્પદ પ્રતિબંધ બિલ પસાર કર્યું છે. અમેરિકન સેનેટર રોજર વિકરે ખુલ્લેઆમ કહ્યું છે કે આ કાયદાનું મુખ્ય લક્ષ્ય ભારત અને ચીન છે, જેઓ રશિયાની ઉર્જા ખરીદીને મોસ્કોની સૈન્ય શક્તિ અને યુદ્ધને આર્થિક મદદ કરી રહ્યા છે.
આ બિલ હેઠળ રશિયા પાસેથી તેલ અને ગેસ ખરીદનારા દેશોના ઉત્પાદનો પર અમેરિકામાં 100 ટકા સુધીની ટેરિફ (ડ્યુટી) લગાવી શકાય છે.
આ પ્રસ્તાવ સેનેટમાં પ્રચંડ બહુમતી સાથે પસાર થયો હતો
સાઉથ કેરોલિનાના દિવંગત યુએસ સેનેટર લિન્ડસે ગ્રેહામની યાદમાં લાવવામાં આવેલા ‘લિન્ડસે ઓ’ગ્રાહામ સેક્શનિંગ રશિયા એન્ડ ઈરાન એક્ટ 2026’ પર સેનેટમાં 86-12થી બંધ પ્રસ્તાવ પસાર કરવામાં આવ્યો હતો.
નોંધનીય છે કે 11 જુલાઈના રોજ સેનેટર ગ્રેહામના નિધન બાદ આ મતદાન તે જ દિવસે થયું જ્યારે યુક્રેનના રાષ્ટ્રપતિ વોલોદિમિર ઝેલેન્સકી અમેરિકી રાષ્ટ્રપતિ ડોનાલ્ડ ટ્રમ્પને મળવા વોશિંગ્ટન પહોંચ્યા હતા. ઝેલેન્સકી પણ ગ્રેહામના અંતિમ સંસ્કારમાં સામેલ થયા હતા.
“સાથીઓને નુકસાન થશે નહીં”
પ્રેસ બ્રીફિંગ દરમિયાન, સેનેટર રોજર વિકરે સ્પષ્ટપણે કહ્યું, “આ કાયદાનો મુસદ્દો ખૂબ જ સમજી વિચારીને તૈયાર કરવામાં આવ્યો છે, જેથી અમારા સહયોગી દેશો પર તેની કોઈ વિપરીત અસર ન પડે, પરંતુ તેની સીધી અસર ચીન અને ભારત પર પડે છે.”
