લોરેન્સ બિશ્નોઈ અને ભારત સાથે જોડાયેલા અન્ય બે આંતરરાષ્ટ્રીય ગેંગ સામે યુએસ ડિપાર્ટમેન્ટ ઓફ જસ્ટિસની ‘ચાર્જશીટ’ બાદ કાર્યવાહી તેજ થઈ ગઈ છે. ચાર્જશીટમાં સામેલ 36 નામોમાંથી 25ની ધરપકડ કરવામાં આવી છે. એક દિવસ પહેલા જ ગારિન્દર દેવની ફ્રાન્સમાંથી ધરપકડ કરવામાં આવી હતી. એવો દાવો કરવામાં આવે છે કે તે લોરેન્સ બિશ્નોઈ ગેંગનો સભ્ય હતો અને કેનેડામાં કપિલ શર્માના કેફેમાં ફાયરિંગ કેસમાં સામેલ હતો. અમેરિકાએ લોરેન્સ બિશ્નોઈ વિશે મોટી વાત કહી છે. DoJએ કહ્યું કે તે લોરેન્સ બિશ્નોઈને ભારતથી અમેરિકા પ્રત્યાર્પણ કરવા માંગે છે. તમને જણાવી દઈએ કે લોરેન્સ બિશ્નોઈ 2015થી અમદાવાદની હાઈ સિક્યોરિટી જેલમાં છે.
યુએસ જસ્ટિસ ડિપાર્ટમેન્ટનું કહેવું છે કે લોરેન્સ બિશ્નોઈએ કેનેડાના ખાલિસ્તાની આતંકવાદી હરદીપ સિંહ નિજ્જર વિરુદ્ધ અનેક ગુનાઓનું કાવતરું ઘડ્યું છે. યુએસ એટર્ની ઓફિસના પબ્લિક અફેર્સ ઓફિસર સિયારન મેકએવોયે જણાવ્યું હતું કે યુએસ લોરેન્સ બિશ્નોઈને લાવવા માટે કાયદાકીય પ્રક્રિયા હાથ ધરશે. જોકે આ કામમાં સમય લાગી શકે છે. તેમણે કહ્યું કે, બિશ્નોઈ ભારતની જેલમાં બંધ છે પરંતુ અમે ઈચ્છીએ છીએ કે તેને અમેરિકા લાવીને કેસ કરવામાં આવે.
તમને જણાવી દઈએ કે યુએસ જસ્ટિસ ડિપાર્ટમેન્ટે પોતાની ચાર્જશીટમાં સૌથી ઉપર લોરેન્સ બિશ્નોઈનું નામ લખ્યું છે. જેમાં બિશ્નોઈ ગેંગના અનમોલ બિશ્નોઈ અને ગોલ્ડી બ્રાર સહિત અનેક નામ સામેલ છે. તેમણે કહ્યું કે બિશ્નોઈ ગેંગના કોઈ સભ્યને અમેરિકી કોર્ટમાં રજૂ કરવામાં આવ્યો નથી. એકવાર લોરેન્સ બિશ્નોઈને લાવવામાં આવ્યા પછી તે પણ યુએસ અધિકારક્ષેત્રમાં આવશે. તેમણે કહ્યું કે ધાંડા ગેંગના લોકોને 31 ઓગસ્ટે લોસ એન્જલસ કોર્ટમાં રજૂ કરવામાં આવી શકે છે.જ્યારે ભગવાનપુરિયા ગેંગને 1લી સપ્ટેમ્બરે રજૂ કરવામાં આવશે.
લોસ એન્જલસમાં દાખલ કરવામાં આવેલી ચાર્જશીટ મુજબ, બિશ્નોઈએ નિજ્જરની હત્યાનો આદેશ આપ્યો હતો. આ સિવાય ભારતની વધુ ત્રણ ગેંગ ખંડણી, હત્યા, ડ્રગ્સ સ્મગલિંગ અને અન્ય ગુનાહિત પ્રવૃત્તિઓમાં સંડોવાયેલી છે. એફબીઆઈએ ગોલ્ડી બ્રારની ધરપકડ માટે $50,000નું ઈનામ ઓફર કર્યું છે. 1 જુલાઈએ ગોલ્ડી બ્રાર વિરુદ્ધ ધરપકડ વોરંટ જારી કરવામાં આવ્યું છે. અમેરિકી ન્યાય વિભાગે તેને ‘ઓપરેશન હાર્ડ બોલ’ નામ આપ્યું છે.
