પીઢ ગાયિકા આશા ભોંસલેની તબિયત લથડી, મુંબઈની બ્રીચ કેન્ડી હોસ્પિટલમાં દાખલ…

ઈમરજન્સી યુનિટમાં સારવાર ચાલી રહી છે

પીટીઆઈ અનુસાર, 11 એપ્રિલે હૃદયસ્તંભતા બાદ આશા ભોંસલેને તાત્કાલિક બ્રીચ કેન્ડી હોસ્પિટલમાં દાખલ કરવામાં આવ્યા હતા. ડૉક્ટર પ્રતિત સમદાનીના જણાવ્યા અનુસાર, હાલમાં તેમની ઈમરજન્સી યુનિટમાં સારવાર ચાલી રહી છે. જો કે, તેમના પરિવાર દ્વારા હજુ સુધી કોઈ સત્તાવાર નિવેદન જારી કરવામાં આવ્યું નથી અને તેમના સ્વાસ્થ્ય સંબંધિત વિગતવાર માહિતીની રાહ જોવાઈ રહી છે. આ સમાચાર બાદ મ્યુઝિક ઈન્ડસ્ટ્રી અને તેમના ફેન્સમાં ચિંતાનું મોજુ ફરી વળ્યું છે.

આશા ભોંસલે હોસ્પિટલમાં દાખલ

સુપ્રસિદ્ધ પ્લેબેક આઇકન આશા ભોસલેને શનિવારે, 11 એપ્રિલના રોજ હૃદયરોગનો હુમલો થયો હતો અને તેમને મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા હતા જ્યાં તેઓ હાલમાં ઇમરજન્સી મેડિકલ સર્વિસ યુનિટમાં સારવાર હેઠળ છે: બ્રીચ કેન્ડી હોસ્પિટલના ડૉક્ટર પ્રતિત સમદાની pic.twitter.com/ZOU4ELK6fI

— IANS (@ians_india) 11 એપ્રિલ, 2026

પૌત્રી જાનૈએ એક નિવેદન બહાર પાડ્યું

આશા ભોંસલેની પૌત્રી જનાઈ ભોંસલેએ સમાચારની પુષ્ટિ કરતા કહ્યું, “મારી દાદી આશા ભોંસલેને ભારે થાક અને છાતીમાં ઈન્ફેક્શનની ફરિયાદ બાદ હોસ્પિટલમાં દાખલ કરવામાં આવ્યા છે. તેમની સારવાર ચાલી રહી છે. અમે તમને વિનંતી કરીએ છીએ કે અમારી ગોપનીયતાનો આદર કરો. સારવાર ચાલુ છે અને અમને આશા છે કે બધુ સારું થઈ જશે. અમે તમને ટૂંક સમયમાં હકારાત્મક અપડેટ આપીશું.”

આશા ભોંસલેને ઘણા મોટા સન્માન મળ્યા છે

ભારતીય સંગીત ઉદ્યોગના આધારસ્તંભ ગણાતા, આશા ભોંસલેએ તેમની 7 દાયકા લાંબી કારકિર્દીમાં દાદાસાહેબ ફાળકે પુરસ્કાર અને પદ્મ વિભૂષણ સહિત ઘણા પ્રતિષ્ઠિત સન્માનો જીત્યા છે. તેણે ‘ઉમરાવ જાન’ અને ‘ઇજાઝત’ જેવી ફિલ્મો માટે રાષ્ટ્રીય ફિલ્મ પુરસ્કાર પણ જીત્યા છે. આશા આ વર્ષે સપ્ટેમ્બરમાં તેનો 93મો જન્મદિવસ ઉજવવા જઈ રહી છે. હાલમાં તેના કરોડો ચાહકો તેના ઝડપી સ્વસ્થ થવાની કામના કરી રહ્યા છે.