બેરૂત, એજન્સી. હિઝબુલ્લાના વડા નઇમ કાસિમે રવિવારે લેબનોનમાં ઇઝરાયેલના કોઈપણ સુરક્ષા ઝોનને નકારી કાઢ્યો હતો. તેમનું આ નિવેદન ઈઝરાયેલના વડાપ્રધાન બેન્જામિન નેતન્યાહુએ કહ્યું કે જ્યાં સુધી જરૂરી હોય ત્યાં સુધી દક્ષિણ લેબેનોનમાં ઈઝરાયલી સૈનિકો રહેશે તે પછી આવ્યું છે. એક ટેલિવિઝન સંબોધનમાં, કાસિમે કહ્યું કે ઇઝરાયેલી સૈનિકો માટે લેબનીઝની ધરતી પર રહેવું અશક્ય છે. ઈઝરાયેલ માટે કોઈ સુરક્ષા ઝોન નહીં હોય. અમારી પાસે રાષ્ટ્રીય સેના છે, જે સમગ્ર દેશમાં તૈનાત છે અને સાર્વભૌમત્વની સુરક્ષા માટે જવાબદાર છે. અમે તેને જ સહકાર આપીએ છીએ.
આ પણ વાંચોઃ ઇઝરાયેલી સૈનિકો જ્યાં સુધી જરૂર પડશે ત્યાં સુધી લેબનોનમાં તૈનાત રહેશેઃ નેતન્યાહુ
