મુંબઈ અભિનેતા નાગા ચૈતન્યએ સોશિયલ મીડિયા પર એક રમૂજી પોસ્ટ શેર કરી અને કહ્યું કે લગ્નના લગભગ બે વર્ષ પછી, તેની પત્ની અને અભિનેત્રી શોભિતા ધુલીપાલાએ પ્રથમ વખત તેમના માટે રાત્રિભોજન બનાવ્યું. નાગા ચૈતન્યએ પોતાના સોશિયલ મીડિયા એકાઉન્ટ પર એક તસવીર શેર કરી છે, જેમાં શોભિતા ડાઇનિંગ ટેબલ પાસે ઉભેલી જોવા મળી રહી છે. તેના હાથમાં ભોજનથી ભરેલી બે પ્લેટ છે. આ દરમિયાન તે પિંક કલરની ઓવરસાઈઝ ટી-શર્ટ પહેરેલી જોવા મળે છે. આ તસવીરની સાથે ચૈતન્યએ લખ્યું છે કે, “લગ્નના લગભગ બે વર્ષ પછી મારી પત્નીએ મારા માટે ડિનર બનાવ્યું. લાગે છે કે આજે મેં કંઈક યોગ્ય કર્યું છે.”
શોભિતાએ પણ તરત જ ચૈતન્યની આ ફની પોસ્ટ પર પ્રતિક્રિયા આપી હતી. તેણે ટિપ્પણી કરી, “તમે મારી મજાક ઉડાવી રહ્યા છો કે મારા વખાણ કરો છો?”
નાગા ચૈતન્ય અને શોભિતા ધુલીપાલાએ 4 ડિસેમ્બર 2024ના રોજ હૈદરાબાદમાં પરંપરાગત તેલુગુ રીતિ-રિવાજ મુજબ એક ખાનગી સમારોહમાં લગ્ન કર્યા હતા. આ સમારોહમાં પરિવારના સભ્યો અને નજીકના મિત્રોએ હાજરી આપી હતી.
ઘણા વર્ષો સુધી એકબીજાને ડેટ કર્યા પછી, બંનેએ પહેલા તેમની સગાઈની જાહેરાત કરી અને પછી લગ્ન કર્યા.
નાગા ચૈતન્યના પહેલા લગ્ન અભિનેત્રી સામંથા રૂથ પ્રભુ સાથે થયા હતા. આ દંપતીએ ઓક્ટોબર 2017માં ગોવામાં લગ્ન કર્યા હતા, પરંતુ ઓક્ટોબર 2021માં તેમના અલગ થવાની જાહેરાત કરી હતી. ચૈતન્યએ પછી શોભિતા ધુલીપાલા સાથે લગ્ન કર્યા હતા, જ્યારે સામન્થાએ ડિસેમ્બર 2025માં ફિલ્મ નિર્માતા રાજ નિદિમોરુ સાથે લગ્ન કર્યા હતા.
નાગા ચૈતન્ય તેલુગુ અભિનેતા નાગાર્જુન અક્કીનેની અને લક્ષ્મી દગ્ગુબાતીનો પુત્ર છે.
આ પણ વાંચો – અખબાર પહેલા તમારા રાજ્ય/શહેરના સમાચાર વાંચવા માટે ક્લિક કરો.
