અમેરિકા અને કેનેડા વચ્ચેનું ટ્રેડ વોર હવે ઉગ્ર બન્યું છે. કેનેડાએ મંગળવારે યુએસથી આવતા લગભગ $20 બિલિયનના માલસામાન પર વળતો ટેરિફ લાદવાનું નક્કી કર્યું. તેમાં સ્ટીલ, ડેરી ઉત્પાદનો, ઇલેક્ટ્રિકલ સાધનો, કૃષિ સામાન, ફર્નિચર, કપડાં, માછલી, સીફૂડ, સૌંદર્ય પ્રસાધનો અને ટોઇલેટ પેપર જેવી 700 થી વધુ ચીજવસ્તુઓનો સમાવેશ થાય છે. કેટલાક અમેરિકન માલ પર ટેરિફ 50 ટકા સુધી હશે. કેનેડાના નાણા પ્રધાન ફ્રાન્કોઇસ-ફિલિપ શેમ્પેને જણાવ્યું હતું કે કેનેડાએ આ સંઘર્ષની શરૂઆત કરી નથી, પરંતુ જ્યારે આર્થિક સંબંધોનો હથિયાર તરીકે ઉપયોગ કરવામાં આવે છે ત્યારે દેશે તેના હિતોના રક્ષણ માટે પગલાં લેવા પડશે. નવા ટેરિફ 8 સપ્ટેમ્બરથી અમલમાં આવશે.
કેનેડાનો આ નિર્ણય અમેરિકી રાષ્ટ્રપતિ ડોનાલ્ડ ટ્રમ્પ પ્રશાસન દ્વારા કેનેડિયન સામાન પર 50 ટકા ડ્યૂટી લગાવ્યા બાદ આવ્યો છે. બંને દેશો વચ્ચે વેપાર વાટાઘાટો નિષ્ફળ જતાં તણાવ વધ્યો હતો. કેનેડાના વડા પ્રધાન માર્ક કાર્નેએ યુએસ પર આરોપ મૂક્યો છે કે તે કેનેડા પર દબાણ લાવવા અને તેના મુખ્ય ઉદ્યોગોને નુકસાન પહોંચાડવાનો પ્રયાસ કરી રહ્યો છે.
ટ્રમ્પ અમેરિકન માંગણીઓ સમક્ષ ઝુકવાનું કહી રહ્યા છે
ડોનાલ્ડ ટ્રમ્પે સોમવારે કેનેડાને અમેરિકી માગણીઓ સામે ઝુકવા કહ્યું હતું અને ચેતવણી આપી હતી કે જો તે આમ નહીં કરે તો વધુ કડક પગલાં લેવામાં આવશે. તેણે કેનેડિયન કાર, ઓટો પાર્ટ્સ અને સ્ટીલ પર નવા 50 ટકા ટેરિફ લાદવાની ધમકી પણ આપી છે. આ સિવાય ટ્રમ્પે એમ કહીને પણ વિવાદ વધાર્યો કે તેમણે લેક ઓન્ટારિયોનું નામ બદલીને ‘લેક અમેરિકા’ કરવાનું વિચારવું જોઈએ.
