વિજય રૂપાણીના રાજીનામા બાદ ભૂપેન્દ્ર પટેલ ગુજરાતના મુખ્યમંત્રી બન્યા હતા.
સૌમ્ય અને નિર્ણાયક મુખ્યમંત્રી શ્રી ભૂપેન્દ્ર પટેલ આવતીકાલે 13 સપ્ટેમ્બર 2023 ના રોજ સફળતાપૂર્વક તેમના કાર્યકાળના બે વર્ષ પૂર્ણ કરી રહ્યા છે. બે વર્ષ પહેલા વિજય રૂપાણીએ મુખ્યમંત્રી પદેથી રાજીનામું આપ્યા બાદ ભાજપ હાઈકમાન્ડે સૌને ચોંકાવી દીધા હતા અને ગુજરાતની કમાન નવા આવેલા ભૂપેન્દ્ર પટેલને સોંપી હતી.
ભૂપેન્દ્ર પટેલે બે વર્ષ પહેલા 13 સપ્ટેમ્બર 2021ના રોજ ગુજરાતના મુખ્યમંત્રી તરીકે શપથ લીધા હતા. ભૂપેન્દ્ર પટેલ આજે 13 સપ્ટેમ્બર 2023 ના રોજ સફળતાપૂર્વક તેમના કાર્યકાળના બે વર્ષ પૂર્ણ કરી રહ્યા છે. સાયક્લોન બિપોરજોય હોય કે મોરબીની દુર્ઘટના હોય, ભૂપેન્દ્ર પટેલનો કાર્યકાળ પડકારજનક અને લાભદાયી રહ્યો છે. તેમજ તેમના નેતૃત્વમાં ભાજપે વિધાનસભામાં સૌથી વધુ 156 બેઠકો જીતીને રેકોર્ડ બનાવ્યો છે.