પાટણ જિલ્લાના રાધનપુરની પ્રેમનગર પ્રાથમિક શાળામાં શનિવારે ગુજરાત રાજ્ય કાનૂની સેવા સત્તા મંડળના માર્ગદર્શન હેઠળ તાલુકા સેવા સમિતિ રાધનપુર દ્વારા કાનુની શિક્ષણ શિબિરનું આયોજન કરવામાં આવ્યું હતું. આજના કાર્યક્રમમાં ગુજરાત રાજ્ય કાનૂની સેવા સત્તા મંડળના પેટા વિભાગ અધિકારી અનિલભાઈ ત્રિવેદી તથા એડવોકેટ પરાસરભાઈ હાલાણી, ભરતભાઈ, રબારી સાહેબ, સેજલબેન પ્રજાપતિ, શાળાના આચાર્ય મિત્તલબેન, સરપંચ, ગ્રામજનો મોટી સંખ્યામાં ઉપસ્થિત રહ્યા હતા. કાર્યક્રમમાં મહિલા અધિકાર, પોક્સો એક્ટ, કાનૂની સહાય અંગે માર્ગદર્શન આપવામાં આવ્યું હતું અને આજના કાર્યક્રમનું સંચાલન શાળાના આચાર્ય મિત્તલબેન દ્વારા કરવામાં આવ્યું હતું.
ભીખાભાઈ ભરવાડ રાધનપુર