હાલોલ ન્યુઝ : હાલોલ નજીક નર્મદા મુખ્ય કેનાલ નજીક ખાંડીવાલા પાસે ટ્રકમાં અચાનક આગ લાગી હતી. ટ્રક મુંબઈથી ગોધરા જઈ રહી હતી ત્યારે ટ્રકમાં આગ લાગી હતી. ટ્રકમાં આગ લાગવાથી ચણા અને તુવેરના જથ્થાને નુકસાન થયું હોવાનું જાણવા મળ્યું છે.
વડોદરા-હાલોલ હાઈવે પર ચણા અને તુવેર ભરેલી ટ્રક પસાર થઈ રહી હતી ત્યારે અચાનક એન્જિનમાંથી ધુમાડો નીકળવા લાગ્યો હતો અને ટ્રકનો કાચ તૂટી ગયો હતો. ટ્રકચાલકે સમયસૂચકતા વાપરીને ટ્રકને વાળી દીધી અને નીચે ઉતરી ગયો. ધુમાડાના ગોટેગોટા સાથે ટ્રકના એન્જિનમાં આગ લાગી હતી. એન્જિનમાં લાગેલી આગ ટ્રકમાં ફેલાઈ ગઈ હતી અને આગએ વિકરાળ સ્વરૂપ ધારણ કર્યું હતું.
ટ્રકમાં આગ લાગ્યા બાદ ફાયર બ્રિગેડને જાણ કરવામાં આવી હતી. હાલોલ નગરપાલિકા ફાયર સ્ટેશનની ફાયર બ્રિગેડ ઘટના સ્થળે પહોંચી હતી. વોટર કેનન દ્વારા સતત જહેમત બાદ ટ્રકમાં લાગેલી આગને કાબુમાં લેવામાં આવી હતી. જોકે, આગ ટ્રકની કેબિનમાં ફેલાઈ હતી અને આખી ટ્રકને લપેટમાં લીધી હતી.