તાજેતરમાં મુંબઈ આરબીઆઈ સહિત 11 જગ્યાએ બોમ્બની ધમકીના કોલ કરવામાં આવ્યા હતા. જે બાદ હવે મહેસાણામાં ટ્રેનમાં બોમ્બ હોવાનો મેસેજ મળતા પોલીસ વિભાગ દોડતું થયું છે. તેમજ ટ્રેનને રોકીને તપાસ કરવામાં આવી રહી છે. ફોન કરનારને પણ પોલીસે કસ્ટડીમાં લીધો છે. મહેસાણ ખાતે ટ્રેનમાં બોમ્બ હોવાનો મેસેજ તંત્રને મળ્યો હતો. જેમાં જમ્મુ તાવી એક્સપ્રેસમાં બોમ્બ હોવાનો મેસેજ મળ્યો હતો. આ પછી તંત્રએ તરત જ ટ્રેનમાં ચેકિંગ શરૂ કરી દીધું હતું. જેમાં એવી માહિતી સામે આવી છે કે ટ્રેનમાં બેઠેલા એક મુસાફરે ફોન કરીને કહ્યું કે બોમ્બ છે.
મહેસાણામાં જમ્મુ તાવી એક્સપ્રેસમાં બોમ્બ હોવાની માહિતી મળી હતી. જે બાદ શંકાસ્પદ મુસાફરની શોધખોળ શરૂ કરવામાં આવી છે. આ દરમિયાન એસપી સહિતનો પોલીસ કાફલો ઘટના સ્થળે પહોંચી ગયો છે. ઉપરાંત ટ્રેનને રોકીને ચેકિંગ કરવામાં આવ્યું હતું. જેમાં તપાસ દરમિયાન કોલ કરનાર મુસાફરની બેગ મળી આવી હતી. આ પછી મહેસાણામાં ટ્રેનની સર્ચ કરવામાં આવી હતી. જેમાં કોલ કરનાર મુસાફરની અટકાયત કરીને પૂછપરછ શરૂ કરવામાં આવી છે. પોલીસે ફોન કોલના આધારે તપાસ કરી હતી. પોલીસે કોલ કરનાર વ્યક્તિને પકડી લીધો છે. અને વધુ તપાસ શરૂ કરી છે. જેના કારણે તપાસ બાદ ટ્રેનને રવાના કરવામાં આવી છે.