ડીસામાંથી ફરી ચાર ડમ્પરો ગેરકાયદેસર રીતે રેતી ભરતા ઝડપાયા છે. ડીસા તાલુકા પોલીસે અંદાજીત 80 લાખથી વધુની કિંમતનો માલ કબજે કરી ડમ્પર માલિકો સામે કાયદેસરની કાર્યવાહી હાથ ધરી છે. બનાસકાંઠા જિલ્લામાં ખનીજ તસ્કરો બેઈમાન બની ગયા છે અને રોયલ્ટી ભર્યા વિના નદીમાંથી ગેરકાયદેસર રીતે રેતીની હેરાફેરી કરી રહ્યા છે ત્યારે ડીસા તાલુકા પોલીસ પેટ્રોલીંગમાં હતી. મહાદેવીયા પાસેથી રેતી ભરેલા ચાર શંકાસ્પદ ડમ્પર પસાર થઈ રહ્યા હતા. પોલીસે ત્રણેય ડમ્પરોને અટકાવી પૂછપરછ કરતાં આ ડમ્પરો રોયલ્ટી ભર્યા વગર અને તાડપત્રી મુક્યા વગર પસાર થતા હોવાનું જાણવા મળ્યું હતું.
આથી ડીસા તાલુકા પોલીસે ચારેય ડમ્પરો કબજે કરી ડીસા તાલુકા પોલીસ મથકે લાવી ચારેય ડમ્પર સહિત અંદાજિત 80 લાખથી વધુની કિંમતનો મુદ્દામાલ કબજે કરી ડમ્પરના માલિકો સામે કાયદેસરની કાર્યવાહી હાથ ધરી છે.