છોટા ઉદેપુર.
છોટા ઉદેપુર જિલ્લાના પાવી-જેતપુર તાલુકાના કાલરા ગામ પાસે આજે એક વિચિત્ર અકસ્માત સર્જાયો હતો. જેમાં ખાનગી બસ અને બાઇક વચ્ચે અથડામણ થતાં અચાનક બંને વાહનોમાં આગ લાગી હતી. આ અકસ્માતમાં બે બાઇક સવારોના ઘટના સ્થળે જ મોત નિપજ્યા હતા.
આ અંગે પ્રાપ્ત માહિતી અનુસાર રામદેવ કોલચા (30) અન્ય વ્યક્તિ સાથે બાઇક પર કાલરા ગામ જઈ રહ્યા હતા. દરમિયાન કવાંટ બાજુથી આવતી ખાનગી બસ સાથે તેની બાઇક અથડાઇ હતી. આ અકસ્માતમાં બાઇક બસની નીચે આવીને 200 મીટર દૂર ખાબકી હતી. જેના કારણે બાઇક અને બસમાં આગ લાગી હતી. જોકે સમયસર બસમાં સવાર મુસાફરોનો જીવ બચી ગયો હતો. જોકે, બંને બાઇક સવારો દાઝી ગયા હતા.
અકસ્માતની માહિતી મળતાની સાથે જ ફાયર એન્જિન ઘટનાસ્થળે પહોંચી ગયું હતું અને ભારે જહેમત બાદ બંને ગાડીઓમાં લાગેલી આગ પર કાબુ મેળવ્યો હતો. આ ઘટનાને પગલે રંગલી ચોકડીથી ખાટીયાવાંટ વચ્ચેનો રસ્તો એક કલાક સુધી બંધ રાખવો પડ્યો હતો.