ફ્રાન્સમાં, વધતી જતી મોંઘવારી, જીવનનિર્વાહની ઊંચી કિંમતો અને સરકારી કટબેક્સ સામે ચાલી રહેલી વિદ્યાર્થી અને ટ્રેડ યુનિયનની ચળવળ દેશવ્યાપી હિંસક રમખાણો અને લૂંટફાટમાં ફેરવાઈ ગઈ છે. શનિવાર અને રવિવાર દરમિયાન, પેરિસ, બોર્ડેક્સ, લિયોન અને માર્સેલી સહિતના મુખ્ય ફ્રેન્ચ શહેરોમાં 5.5 લાખથી વધુ વિરોધીઓ રસ્તા પર ઉતરી આવ્યા હતા, જેમાં એકલા પેરિસમાં 110,000 લોકો ભેગા થયા હતા.
જેમ જેમ ચળવળ વધુ તીવ્ર બની, માસ્ક પહેરેલા વિરોધીઓએ એપલ, લુઈ વિટન, હર્મેસ જેવી વિશ્વની અગ્રણી લક્ઝરી રિટેલ દુકાનો અને શોરૂમમાં તોડફોડ કરી અને લૂંટ ચલાવી.
લક્ઝરી શોરૂમમાં લૂંટફાટ અને સરકારી ઈમારતોમાં આગચંપી
ફ્રાન્સના ગૃહ મંત્રાલય અને મીડિયા રિપોર્ટ્સ અનુસાર દેશના અલગ-અલગ શહેરોમાં હિંસા અને અરાજકતાનું વાતાવરણ જોવા મળ્યું હતું.
બોર્ડેક્સમાં તોફાનીઓએ બારીઓના કાચ તોડી નાખ્યા અને એપલના ફ્લેગશિપ સ્ટોર અને લક્ઝરી ફેશન બ્રાન્ડ ‘લુઈ વિટન’ અને ‘હર્મ્સ’ને લૂંટી લીધા.
