બનાસકાંઠાના ડીસામાં વધુ એક યુવકનું હાર્ટ એટેકથી મોત થયું છે. પરિવાર સાથે પાવાગઢ ફરવા ગયેલા યુવકનું પરત ફરતી વેળા હાર્ટ એટેક આવતા મોત થયું હતું. ઉલ્લેખનીય છે કે, ગત શનિવારે પાલનપુરમાં જિલ્લા સ્ટેમ્પ ડ્યુટી કલેક્ટરનું સવારે પીડા ઉપડતાં હૃદયરોગના હુમલાથી મૃત્યુ થયું હતું. આમ બનાસકાંઠા જિલ્લામાં ત્રણ દિવસમાં બે વ્યક્તિના હાર્ટ એટેકથી મોત થયા છે.
ડીસા તાલુકાના રાણપુર ગામે નીલકંઠ મહાદેવના મંદિર પાછળ રહેતા 35 વર્ષીય અજમલજી ઠાકોર ખેતીકામ કરતા હતા. તેઓ પરિવાર સાથે પાવાગઢ દર્શન માટે ગયા હતા અને દર્શન કરીને પરત ફરી રહ્યા હતા. ત્યારે અચાનક હૃદયરોગનો હુમલો આવતા યુવક રસ્તા પર બેભાન થઈ ગયો હતો. ઘટના બાદ પરિવારજનો યુવકને તાત્કાલિક સારવાર માટે હોસ્પિટલ લઈ ગયા હતા.
જ્યાં ફરજ પરના તબીબે યુવકને મૃત જાહેર કર્યો હતો અને યુવકનું મોત હાર્ટ એટેકથી થયું હોવાનું જણાવ્યું હતું. આશાસ્પદ યુવાનના આકસ્મિક મોતથી પરિવાર અને ઠાકોર સમાજમાં ઘેરા શોકની લાગણી ફેલાઇ હતી. ઉલ્લેખનીય છે કે બનાસકાંઠા જિલ્લામાં ત્રણ દિવસમાં બે લોકોના હાર્ટ એટેકથી મોત થયા છે.
જ્યાં ફરજ પરના તબીબે યુવકને મૃત જાહેર કર્યો હતો અને યુવકનું મોત હાર્ટ એટેકથી થયું હોવાનું જણાવ્યું હતું. આશાસ્પદ યુવાનના આકસ્મિક મોતથી પરિવાર અને ઠાકોર સમાજમાં ઘેરા શોકની લાગણી ફેલાઇ હતી. ઉલ્લેખનીય છે કે બનાસકાંઠા જિલ્લામાં ત્રણ દિવસમાં બે લોકોના હાર્ટ એટેકથી મોત થયા છે.