આગામી લોકસભા ચૂંટણી માટે તમામ પક્ષોની તૈયારીઓ જોરશોરથી ચાલી રહી છે, આવી સ્થિતિમાં અનેક પક્ષોના નેતાઓ ભાજપમાં જોડાઈ રહ્યા છે. આ વખતે ફરી કોંગ્રેસને મોટો ફટકો પડ્યો છે. બોક્સિંગમાં ભારતના પ્રથમ ઓલિમ્પિક મેડલ વિજેતા અને કોંગ્રેસના નેતા વિજેન્દર સિંહ બુધવારે ભાજપમાં જોડાયા હતા. ભાજપમાં જોડાતાની સાથે જ તેમણે પોતાનું પહેલું નિવેદન આપ્યું અને કહ્યું કે હું દેશના વિકાસ માટે ભાજપમાં જોડાયો છું. લોકોની અપેક્ષાઓ પૂર્ણ કરવા માટે હું ભાજપમાં જોડાયો છું.
વિજેન્દર સિંહ વર્ષ 2019માં કોંગ્રેસમાં જોડાયા હતા અને દક્ષિણ દિલ્હી મતવિસ્તારમાંથી કોંગ્રેસના ઉમેદવાર તરીકે 2019ની લોકસભા ચૂંટણી લડ્યા હતા પરંતુ તેઓ હારી ગયા હતા. મથુરાથી પાર્ટીના ઉમેદવાર તરીકે વિજેન્દર સિંહનું નામ છેલ્લા કેટલાક દિવસોથી ચર્ચામાં હતું, જ્યાંથી અભિનેત્રી અને વર્તમાન સાંસદ હેમા માલિની ફરી ચૂંટણી લડી રહી છે.
વિજેન્દર સિંહ જાટ સમુદાયમાંથી આવે છે, જે હરિયાણા, પશ્ચિમ ઉત્તર પ્રદેશ અને રાજસ્થાનમાં મોટી સંખ્યામાં બેઠકો પર રાજકીય પ્રભાવ ધરાવે છે. હવે વિજેન્દર સિંહ ભાજપમાં જોડાયા છે અને ભાજપમાં જોડાયા બાદ વિજેન્દર સિંહે કહ્યું કે આજે હું દેશના વિકાસ અને લોકોની સેવા કરવા ભાજપમાં જોડાયો છું.