(GNS),13
રાજ્યમાં નિવૃત્ત ખેલાડીઓ માટે પેન્શનને લઈને રાજ્ય સરકારે મોટો નિર્ણય લીધો છે. રાજ્યના નિવૃત્ત ખેલાડીઓને રાજ્ય સરકાર દર મહિને 3 હજાર રૂપિયાનું પેન્શન આપશે. જેનો લાભ લેવા માટે ખેલાડીઓએ અરજી કરવાની રહેશે તેમજ રમતગમતમાં રાષ્ટ્રીય ક્ષેત્રે મેડલ મેળવનાર ખેલાડીઓને પણ પેન્શન આપવામાં આવશે. રાજ્ય સરકારના આ મહત્વના નિર્ણયમાં જે સભ્યોને રાજ્યમાંથી રમતગમતમાં મોકલવામાં આવ્યા છે તેમને પણ લાભ આપવામાં આવશે. સમગ્ર મામલે 7 સભ્યોની સમિતિએ પેન્શન આપવા અંગે અંતિમ નિર્ણય લીધો છે. રમતગમત ક્ષેત્રને પ્રોત્સાહન આપવા રાજ્ય સરકાર દ્વારા મહત્વનો નિર્ણય લેવામાં આવ્યો છે. જેમાં જો નિયમોની વાત કરીએ તો જિલ્લામાં રહેતા અને 50 વર્ષની વય ધરાવતા નિવૃત્ત ખેલાડીઓએ રાષ્ટ્રીય કક્ષાની વ્યક્તિગત અથવા સંલગ્ન રમતોમાં મેડલ જીત્યા હોવા જોઈએ. નિવૃત્ત ખેલાડીઓએ 35 વર્ષથી વધુ ઉંમર સુધીની રમત ક્ષેત્રે તેમની કારકિર્દી દરમિયાન રાષ્ટ્રીય સ્તરની વ્યક્તિગત અથવા સંલગ્ન રમતોમાં ગોલ્ડ, સિલ્વર અથવા બ્રોન્ઝ મેડલ મેળવ્યા હોવા જોઈએ. જે સભ્યને અન્ય રાજ્યમાંથી નેશનલમાં મોકલવામાં આવ્યો છે તે પણ પેન્શન માટે પાત્ર ગણવામાં આવશે.