મહેસાણા જિલ્લાના લગનજ પંથકમાં ચાર દિવસ પહેલા ગામનો એક શખ્સ 14 વર્ષની કિશોરીનું લગ્નના બહાને અપહરણ કરી ગયો હતો. જે અંગે સગીરાના પરિવારજનોએ મહેસાણાના લગનજ પોલીસ મથકમાં યુવક વિરુદ્ધ ફરિયાદ નોંધાવી હતી. જે મામલે મહેસાણા એસઓજીની ટીમે યુવકને ઝડપી લીધો હતો. જે બાદ તેને લગનજ પોલીસને સોંપવામાં આવ્યો હતો.મહેસાણા જીલ્લાના લગનજ પંથકના એક ગામની 14 વર્ષીય યુવતીના અપહરણ મામલે મહેસાણા એસઓજીની ટીમે તપાસ હાથ ધરી હતી. જેમાં પો.કો જયેશકુમાર બનેલા જયદેવસિંહને અંગત બાતમી મળી હતી કે ભોગ બનનાર સગીરા અને આરોપી યુવક મહેસાણાની રામપુરા ચોકી પાસે ઉભા છે. માહિતીના આધારે SOGની ટીમ રામપુરા ચોકડી પર પહોંચી હતી અને આરોપીની ધરપકડ કરી હતી. જે બાદ લગનજને પોલીસને હવાલે કરવામાં આવ્યો હતો. આ સમગ્ર મામલે લગનજ પોલીસે વધુ તપાસ હાથ ધરી છે.