(જીએનએસ) તા. 13
લીમખેડા તાલુકાના 36 ગામોના ખેત મજૂરોને રૂ. 174.16 લાખની ચુકવણી કરવામાં આવી હતી
લીમખેડા તાલુકામાં પ્રાદેશિક વનીકરણ કાર્યક્રમ અંતર્ગત છેલ્લા બે વર્ષમાં કુલ 393 હેક્ટર વિસ્તારમાં રૂ.287 લાખથી વધુના ખર્ચે રોપાઓનું વાવેતર કરવામાં આવ્યું હતું. વર્ષ 2022-23માં 128 હેક્ટર વિસ્તારમાં રૂ. 99.53 લાખના ખર્ચે રોપાઓ વાવવામાં આવ્યા હતા. વર્ષ 2023-24માં 265 હેક્ટર વિસ્તારમાં રૂ. 187.56 લાખના ખર્ચે રોપાઓનું વાવેતર કરવામાં આવ્યું હતું તેમ વન અને પર્યાવરણ રાજ્ય મંત્રી શ્રી મુકેશ પટેલે વિધાનસભા ગૃહમાં લીમખેડાના ધારાસભ્ય શ્રી શૈલેષભાઈ ભાભોરે પૂછેલા પ્રશ્નના જવાબમાં જણાવ્યું હતું.
છેલ્લા બે વર્ષમાં પ્રાદેશિક વનીકરણ કાર્યક્રમ હેઠળ લીમખેડા તાલુકાના કુલ 36 ગામોમાં ખેત મજૂરોને રૂ. 174.16 લાખની ચુકવણી કરવામાં આવી છે. જેમાં વર્ષ 2022-23માં કુલ રૂ. 112.42 લાખ જ્યારે વર્ષ 2023-24માં 10 ગામોમાં કુલ રૂ.61.74 લાખની ચૂકવણી કરવામાં આવી છે. મંત્રીએ એક પૂરક પ્રશ્નના જવાબમાં આમ જણાવ્યું હતું.
છેલ્લા પાંચ વર્ષમાં કુલ 1029 હેક્ટર જમીનમાં વાવેતર થયું છે. જેમાં વર્ષ 2018-19માં 225 હેક્ટર, વર્ષ 2019-20માં 170 હેક્ટર, વર્ષ 2020-21માં 144 હેક્ટર, વર્ષ 2021-22માં 225 હેક્ટર અને વર્ષ 2020-22માં 265 હેક્ટરમાં વાવેતર થયું છે. કુલ 1029 હેક્ટર જમીનમાં વાવેતર કરવામાં આવ્યું છે, એમ પણ મંત્રી શ્રી પટેલે જણાવ્યું હતું.