વિસનગર શહેરના વોર્ડ નં.7ની કચેરીમાં આયુષ્માન કાર્ડ કઢાવવા માટે કેમ્પનું આયોજન કરવામાં આવ્યું હતું. હાલમાં વિકસિત ભારત સંકલ્પ યાત્રા અંતર્ગત વિવિધ યોજનાઓનો લાભ લેવાનું આયોજન કરવામાં આવ્યું છે. શહેર અને તાલુકાનો વિકાસ કરવાના હેતુથી વિસનગરમાં આયુષ્માન કાર્ડ અને PMJAY કાર્ડ આપવામાં આવી રહ્યા છે. જેમાં શહેરના વોર્ડ નંબર 7ની કચેરીમાં પણ કેમ્પનું આયોજન કરવામાં આવ્યું હતું. જેમાં કાર્ડ ઉપાડવા માટે લાઇન લાગી હતી.
ભારત સરકાર અને ગુજરાત સરકાર દ્વારા આયોજિત વિકસિત ભારત સંકલ્પ યાત્રા. જેમાં વિકાસ ભારત સંકલ્પ યાત્રા અંતર્ગત તમામ લાભાર્થીઓને આયુષ્માન કાર્ડ અને PMJAY કાર્ડનો લાભ આપવાનું આયોજન કરવામાં આવ્યું હતું. ત્યારે વિસનગર શહેર અને તાલુકામાં સરકારી યોજનાઓનો લાભ લાભાર્થીઓને મળી રહે તે માટે વોર્ડ નં.7માં આયુષ્માન કાર્ડ કેમ્પનું આયોજન કરવામાં આવ્યું હતું. આયુષ્માન કાર્ડ મેળવવા માટે આ કેમ્પમાં કતારો લાગી હતી. વિસનગર તાલુકાના ગામડાઓમાં પણ આયુષ્માન અને PMJAY કાર્ડની 100% કામગીરી પૂર્ણ થઈ રહી છે. ત્યારે શહેરી વિસ્તારોમાં પણ 100% કામ પૂર્ણ કરવા માટે દરેકને આયુષ્માન કાર્ડ અને PMJAY કાર્ડ બનાવવાની અપીલ કરવામાં આવી હતી. જેમાં શહેરના અનેક વિસ્તારોમાં વિનામૂલ્યે કાર્ડ ઉપાડવાની કામગીરી કરવામાં આવી રહી છે.