શ્રી વિસનગર તા.કડવા પાટીદાર સમાજ ઉત્કર્ષ મંડળ દ્વારા કડા ચોકડી ચોકડી પાસે આવેલ ઉમિયા પાર્ટી પ્લોટ, વિસનગર ખાતે 30મા સમૂહલગ્નોત્સવનું આયોજન કરવામાં આવ્યું હતું. જેમાં 12 નવદંપતિઓએ સમૂહ લગ્નોત્સવમાં સાત ફેરા લીધા હતા. આ પ્રસંગે સમાજના ઝળહળતા તારલાઓ તેમજ દાતાઓના સન્માન સમારોહનું પણ આયોજન કરવામાં આવ્યું હતું. સમાજના દિકરા-દિકરીઓ માટે શૈક્ષણિક સંકુલની પણ જાહેરાત કરવામાં આવી હતી. જેમાં સમાજના આગેવાનો સહિત મોટી સંખ્યામાં લોકો ઉપસ્થિત રહ્યા હતા.
સમાજને સંગઠિત કરવા, સમાજમાં પ્રવર્તતી બદીઓ દૂર કરવા અને સમાજના તમામ લોકો સાથે લગ્નની ઉજવણી કરવા સમૂહ લગ્નનું આયોજન કરવામાં આવ્યું હતું. જેમાં શ્રી વિસનગર તા.કડવા પાટીદાર સમાજ ઉત્કર્ષ મંડળ દ્વારા વિસનગરમાં પ્રથમ સમૂહ લગ્નોત્સવનો પ્રારંભ થયો હતો. 30મીએ સમૂહલગ્નનું આયોજન કરવામાં આવ્યું હતું. જેમાં 12 નવયુગલોએ લગ્ન કર્યા હતા. અન્ય સમાજોને પણ સારો સંદેશ મળે તે માટે આયોજન કરાયું હતું. જેમાં સમાજના ઝળહળતા તારલાઓ સાથે સરકારી કર્મચારીઓ અને દાતાઓનું પણ આ પ્રસંગે સન્માન કરવામાં આવ્યું હતું. જેમાં સમાજનું શૈક્ષણિક સંકુલ બનાવવાની જાહેરાત કરવામાં આવી હતી.