(GNS),19
મંગળવારની સવાર નર્મદા કાંઠાના લોકો માટે રાહતના સમાચાર લઈને આવી છે. સરદાર સરોવર નર્મદા ડેમની જળસપાટીમાં વધારો થવાના કારણે પાણીની આવકમાં ઘટાડો થયો છે. લેટેસ્ટ અપડેટ મુજબ, સવારે 7 વાગ્યે ગોલ્ડન બ્રિજમાં પાણીનું સ્તર ઘટીને 27.97 ફૂટ થઈ ગયું છે. નર્મદા ડેમની સપાટી 138.63 મીટરે પહોંચી છે. નર્મદા ડેમમાંથી નદીમાં છોડવામાં આવતા પાણીમાં હવે ઘટાડો કરવામાં આવી રહ્યો છે. હાલમાં ડેમમાંથી 1 લાખ 58 હજાર 352 ક્યુસેક પાણી છોડવામાં આવી રહ્યું છે. છેલ્લા 25 કલાકમાં નદીમાં પાણીની સપાટીમાં 13 ફૂટનો ઘટાડો થયો છે. પરંતુ હજુ પણ ભરૂચમાં નર્મદા નદી ખતરાની સપાટીથી 3.97 ફૂટ ઉપર વહી રહી છે. બીજી તરફ રાજ્યના 28 જળાશયોમાં નવા નીર આવ્યા છે.
સારા વરસાદથી મધ્ય ગુજરાતના જળાશયોમાં નવા પાણી આવ્યા છે. સરદાર સરોવર ડેમ 100 ટકા પાણીથી ભરાયો છે. ડેમ ભરાયા બાદ ખેડૂતો અને લોકોના પ્રશ્નો હલ થયા છે. મધ્ય ગુજરાતમાં મેઘરાજાની મહેરને કારણે નદી-નાળાઓ ઓવરફ્લો થયા છે. હવામાન વિભાગના લેટેસ્ટ અપડેટ મુજબ છેલ્લા 24 કલાક દરમિયાન રાજ્યના 248 તાલુકાઓમાં વરસાદ નોંધાયો છે. સૌથી વધુ વરસાદ જૂનાગઢના વિસાવદરમાં 12 ઈંચ નોંધાયો છે.
જૂનાગઢના મેદરડા અને પાટણના રાધનપુરમાં આઠ ઇંચ જેટલો વરસાદ નોંધાયો છે. મહેસાણાના બેચરાજી અને બનાસકાંઠાના ભાભરમાં 7 ઈંચ જેટલો વરસાદ નોંધાયો છે. મહેસાણાના મહેસાણા શહેરમાં 6.5 ઈંચ જેટલો વરસાદ નોંધાયો છે. જૂનાગઢના વંથલીમાં 6 ઈંચ વરસાદ નોંધાયો હતો. આમ છેલ્લા 24 કલાક દરમિયાન રાજ્યના 14 તાલુકાઓમાં 4 ઈંચથી વધુ વરસાદ નોંધાયો છે. રાજ્યના 34 તાલુકાઓમાં ત્રણ ઈંચથી વધુ વરસાદ, 63 તાલુકાઓમાં બે ઈંચથી વધુ વરસાદ નોંધાયો છે. તો રાજ્યના 129 તાલુકાઓમાં એક ઇંચથી વધુ વરસાદ નોંધાયો છે.
ડેમમાં નવું પાણી પ્રવેશ્યું છે?
ઉકાઈ ડેમમાં 96.65 ટકા પાણીનો સંગ્રહ
દમણગંગા ડેમમાં 91.84 ટકા પાણી ભરાયું
વાત્રક ડેમમાં 57.99 ટકા પાણીનો સંગ્રહ થયો છે
ગુહાઈ ડેમમાં 50.99 ટકા પાણી ભરાયું
માઝુમ ડેમમાં 35.37 ટકા પાણીનો જથ્થો
હાથમતી ડેમમાં 46.48 ટકા પાણીનો સંગ્રહ થયો છે
જવાનપુરા ડેમ 78.61 ટકા પાણીથી ભરાયો
હરનાવ-2 ડેમમાં 78.02 ટકા પાણીનો જથ્થો છે
મેશ્વો ડેમમાં 48.85 ટકા પાણીનો સંગ્રહ થયો છે.
વણકબોરી ડેમ 100 ટકા પાણીથી ભરાયો
પાનમ ડેમ પણ 100 ટકા પાણીથી ભરાયો
હડફ ડેમ પણ સંપૂર્ણ ભરાઈ ગયો
કડાણા ડેમમાં 89.48 ટકા પાણીનો જથ્થો છે
કરજણ ડેમમાં 90.19 ટકા પાણીનો સંગ્રહ થયો છે
સુખી ડેમ 100 ટકા પાણીથી ભરાયો
મુક્તેશ્વર ડેમમાં 53.67 ટકા પાણીનો સંગ્રહ
દાંતીવાડા ડેમમાં 94.03 ટકા પાણી ભરાયું
સિપુ ડેમમાં સૌથી ઓછો 28.69 ટકા પાણી ભરાયો હતો.
ધરોઈ ડેમમાં 92.02 ટકા પાણીનો જથ્થો
ખોડિયાર ડેમમાં 65.32 ટકા પાણીનો સંગ્રહ
શેત્રુંજી ડેમમાં 99.40 ટકા પાણી
અંડ-1 ડેમમાં 89.43 ટકા પાણીનો જથ્થો
ભાદર ડેમમાં 91.43 ટકા પાણી
ભાદર-2 ડેમમાં 98.10 ટકા પાણી
મચ્છુ-1 ડેમમાં 84.60 ટકા પાણીનો સંગ્રહ
મચ્છુ-2 ડેમ 69.78 ટકા પાણીથી ભરાયો
બ્રાહ્મણી ડેમમાં 84.60 ટકા પાણીનો જથ્થો
સરદાર સરોવર ડેમ 100 ટકા પાણીથી ભરાયો