સુરતના ઓલપાડમાં મોડી રાત્રે બે જૂથના લોકો સામસામે આવી ગયા હતા. બીજી તરફ સોશિયલ મીડિયામાં કેટલીક અફવાઓ ફેલાઈ હતી. આ બનાવ અંગે પોલીસ કાફલો ઘટના સ્થળે પહોંચી ગયો હતો. મામલો વધુ વણસે તે પહેલા પોલીસે પરિસ્થિતિને કાબુમાં લીધી હતી. કોમ્બીંગ સહિતની પેટ્રોલીંગ ઝુંબેશ પણ રાતભર હાથ ધરવામાં આવી હતી.
સુરતના ઓલપાડમાં જૂથવાદના કારણે વાતાવરણ તંગ બન્યું હતું. એક હિંદુ યુવતીને વિધર્મી યુવક ભગાડી ગયો હતો. ગત રાત્રે બે જૂથો સામસામે આવી જતાં પથ્થરમારો અને મારામારીના બનાવો બન્યા હતા. સમગ્ર ઘટના સંદર્ભે એસપી સહિત જિલ્લાનો પોલીસ કાફલો ઓલપાડ નગરમાં રવાના થયો હતો. પરિસ્થિતિ વણસી જતાં પોલીસ દ્વારા કોમ્બિંગ કરીને પરિસ્થિતિને કાબૂમાં લેવાનો પ્રયાસ કરવામાં આવ્યો હતો.
આ સમગ્ર ઘટના અંગે સુરત ગ્રામ્ય પોલીસ વડા હિતેશ જોયસરે જણાવ્યું હતું કે ઓલપાડ શહેરમાં પરિસ્થિતિ હવે કાબૂમાં છે, નાની અફવાથી વાતાવરણ તંગ બન્યું હતું. કેટલાક અસામાજિક તત્વો દ્વારા અફવાઓ ફેલાવીને ગભરાટ ફેલાવવાનો પ્રયાસ કરવામાં આવ્યો હતો. પોલીસ દ્વારા કોમ્બિંગ અને પેટ્રોલિંગ કરવામાં આવી રહ્યું છે. લોકોને ઘેરી લેવાની કાર્યવાહી પણ કરવામાં આવી હતી.
સાથે જ પોલીસે લોકોને ખોટી અફવાઓથી દૂર રહેવા જણાવ્યું હતું અને ખોટી અફવાથી વાતાવરણ બગાડશે તો તેમની સામે કડક કાયદાકીય કાર્યવાહી કરવામાં આવશે. સાથે જ જિલ્લા પોલીસ અધિકારીએ ચેતવણી આપી હતી કે આવા કેસમાં સંડોવાયેલા કોઈપણને બક્ષવામાં આવશે નહીં.