સ્ટ્રોબેરી ના ફાયદા : શિયાળામાં ઉપલબ્ધ વિવિધ ફળોમાં સ્ટ્રોબેરી એક છે. સ્ટ્રોબેરી એક એવું ફળ છે જે ખાવાથી મોઢામાં પાણી આવી જાય છે. આ ફળ ખાવામાં ખૂબ જ સ્વાદિષ્ટ હોય છે અને સ્વાસ્થ્ય માટે ખૂબ જ ફાયદાકારક માનવામાં આવે છે. નાનું દેખાતું સ્ટ્રોબેરી ફળ અનેક ગુણોથી ભરેલું છે. જો તમે રોજ સ્ટ્રોબેરી ખાતા રહેશો તો શરીરને ઘણા ફાયદા થાય છે. સ્ટ્રોબેરીમાં એન્ટિઓક્સિડન્ટ્સ પણ હોય છે જે રોગપ્રતિકારક શક્તિ વધારવામાં મદદ કરે છે. આવો તમને જણાવીએ કે સ્ટ્રોબેરી ખાવાથી શરીરને થતા ફાયદાઓ વિશે.
સ્ટ્રોબેરી પોષક તત્વો
સ્ટ્રોબેરી પોષક તત્વોથી ભરપૂર હોય છે. તેમાં વિટામિન સી, વિટામિન એ, કેલ્શિયમ, ફોલિક એસિડ, મેગ્નેશિયમ, પોટેશિયમ, ફાઇબર, એન્ટિઓક્સિડન્ટ્સ સહિતના પોષક તત્વો હોય છે. આ તમામ પોષક તત્વોના કારણે સ્ટ્રોબેરી શરીરની વિવિધ સમસ્યાઓમાં ફાયદાકારક છે.
સ્ટ્રોબેરી ખાવાના ફાયદા
– સ્ટ્રોબેરી ખાવાથી વજન ઘટાડવામાં મદદ મળે છે. સ્ટ્રોબેરીમાં કેલરી ખૂબ જ ઓછી હોય છે, તેથી જો તમે વજન ઘટાડવાનો પ્રયાસ કરી રહ્યાં છો, તો સ્ટ્રોબેરી ખાવાથી તમારું વજન ઝડપથી ઘટશે.
-સ્ટ્રોબેરીમાં ભરપૂર માત્રામાં ફાઈબર હોય છે, તેથી તે કબજિયાતની સમસ્યામાં રાહત આપે છે. તેમાં હાજર ફાઈબર પાચન સાથે જોડાયેલી દરેક સમસ્યાને દૂર કરી શકે છે.
-સ્ટ્રોબેરીમાં એવા પોષક તત્વો પણ હોય છે જે દાંતને ફાયદો કરે છે. સ્ટ્રોબેરી ખાવાથી દાંત પર દેખાતી પીળાશ દૂર થાય છે અને પેઢાં મજબૂત બને છે.
– જે લોકોના હાડકાં નબળાં હોય તેમણે પોતાના આહારમાં સ્ટ્રોબેરી ખાવાનું શરૂ કરી દેવું જોઈએ. તેમાં રહેલા કેલ્શિયમ, મેગ્નેશિયમ અને અન્ય પોષક તત્વો હાડકાને મજબૂત બનાવે છે.
– જો તમે સ્ટ્રોબેરી ખાતા રહેશો તો તમારી રોગપ્રતિકારક શક્તિ મજબૂત બને છે. કારણ કે તેમાં વિટામીન સી ભરપૂર માત્રામાં હોય છે જે રોગપ્રતિકારક શક્તિને મજબૂત બનાવવામાં મદદ કરે છે.