કોંગ્રેસ નેતા રાહુલ ગાંધી તેમના યુએસ પ્રવાસ પર છે, આવતીકાલે એટલે કે 1 જૂને નેશનલ પ્રેસ ક્લબ વોશિંગ્ટન સાથેની વાતચીતમાં રાહુલ ગાંધીએ મોટી ભવિષ્યવાણી કરી છે. રાહુલનું કહેવું છે કે ભારતની 2024ની લોકસભાની ચૂંટણી કોંગ્રેસ પાર્ટી માટે ઘણી મહત્વની સાબિત થશે.તેમની વાતચીતમાં રાહુલે એમ પણ કહ્યું કે આગામી 2 વર્ષમાં કોંગ્રેસ પાર્ટીનું પ્રદર્શન પ્રશંસનીય રહેશે.
રાહુલ આગળ કહે છે કે “2024 લોકસભા ચૂંટણીના પરિણામો બધાને આશ્ચર્યચકિત કરશે” અને તેઓ માને છે કે વિપક્ષી ગઠબંધન ભાજપ અને મોદી માટે એક મોટો પડકાર સાબિત થશે. વિપક્ષ પોતાની એકતાના જોરે ભાજપની તાનાશાહીને ચોક્કસપણે હરાવી દેશે. નેશનલ પ્રેસ ક્લબ સાથેની વાતચીતમાં રાહુલ ગાંધી પોતાની ટિપ્પણીને લઈને ખૂબ જ આત્મવિશ્વાસમાં દેખાતા હતા.રાહુલને 2024ની ચૂંટણીને લઈને દેશની જનતા પાસેથી ઘણી આશાઓ છે.