સોનગઢ, સોનગઢ તાલુકામાં એક કાળજું કંપાવી દે તેવી અકસ્માતની ઘટના સામે આવી છે. ખગોળ ગામની સીમમાં પૂર ઝડપે જતી મોપેડ સ્લિપ થઈ જતાં ચાલક સગીર અને તેની સાથે સવાર ૩ વર્ષની માસૂમ બાળકીનું મોત નીપજયું છે.
સોનગઢના ખગોળ ગામની પાટલી ફળિયામાં રહેતા અમીતભાઈ ગામીતની ૩ વર્ષની પુત્રી નીત્યાને તેમના જ કુટુંબી ભાઈ સ્મીત કોકણી (ઉ.વ.૧ર) આંગણવાડીએ તેડીને મોતેડ પર પરત ઘરે લાવી રહ્યો હતો. ઘટવેલ પાટિયા તરફ જતા રોડ પર એક વળાંક પાસે સ્મીતે મોપેડ પરનો કાબુ ગુમાવી દીધો હતો.
પુરઝડપે જતું વાહન રોડની સાઈડમાં ઉતરી જઈ અકસ્માત સર્જાતા નીત્યાને માથાના ભાગે જયારે સ્મીતને પણ શરીરે ગંભીર ઈજાઓ થઈ હતી. બંનેને હોસ્પિટલ ખસેડવામાં આવ્યા હતા જયાં બંનેને મૃત જાહેર કર્યા હતાં આ મામલે પોલીસે કાયદાના સંઘર્ષમાં આવેલા બાળ કિશોર વિરુદ્ધ ગુનો નોંધી આગળની તપાસ હાથ ધરી છે.
