આણંદ, આણંદ શહેરના નાની ખોડીયાર વિસ્તારમાં આજથી સવા પાંચ વર્ષ પહેલા ૧૬ વર્ષની બાળાને હેરાન કરનાર યુવાનને તેના માતા-પિતા ઠપકો આપવા ગયા હતા.
ત્યારે યુવાને તેની પાસેનું એસિડ તેણીને બળજબરીથી પીવડાવી દીધું હતું. આ અંગેનો કેસ આણંદની સ્પેશ્યલ અદાલતમાં ચાલી જતાં અદાલતે આરોપી યુવાનને દસ વર્ષની સખત કેદ અને રુ. ૫૧ હજારનો દંડ ફટકારતો ચુકાદો જાહેર કર્યાે છે.આણંદ શહેરના નાની ખોડીયાર વિસ્તારમાં બાપા સિતારામ સોસાયટીમાં અજય ઉર્ફે જાડીયો છગનભાઈ નાયક નામનો ૧૯ વર્ષનો યુવાન પોતાના પરિવાર સાથે રહેતો હતો. તે એક ૧૬ વર્ષની બાળાને આવતા જતાં વારંવાર હેરાન કરતો હતો.
જેથી ગત તા. ૯ ડિસેમ્બર ૨૦૨૦ ના રોજ બાળાના માતા-પિતા તેને લઈને અજય ઉર્ફે જાડીયાને ત્યાં ગયા હતા ત્યારે તેણે વાત સમજવાની જગ્યાએ પોતાની પાસેનું એસિડ બાળાને બળજબરીથી પીવડાવી દીધું હતું અને પછી ભાગી ગયો હતો. આ બનાવ અંગે પોલીસે ઈપીકો કલમ ૩૨૬(એ), પોક્સો એક્ટની કલમ ૧૧(૧) મુજબ ગુનો દાખલ કર્યાે હતો. અને તા. ૨ ફેબ્›આરી ૨૦૨૧ ના રોજ આરોપી અજયને પોલીસે ઝડપી પાડ્યો હતો.આ કેસની તપાસ પુર્ણ કર્યા બાદ પોલીસે અદાલતમાં ચાર્જશીટ રજુ કર્યું હતું.
આ કેસમાં સરકારી વકીલ અશ્વિનસિંહ જાડેજાએ વિદ્વર્તાપુર્ણ દલીલો રજુ કરી હતી અને સાક્ષીઓ તપાસ્યા હતા. તથા દસ્તાવેજી પુરાવા પણ રજુ કર્યા હતા. તેમની ધારદાર દલીલને પગલે અદાલતે અજય ઉર્ફે જાડીયો છગનભાઈ નાયકને કસુરવાર ઠેરવ્યો હતો અને આજે તેની સજા સંભળાવી હતી.
જેમાં આરોપીને ભારતીય દંડ સંહિતાની કલમ ૩૨૬-એ ના ગુનામાં દસ વર્ષની સખત કેદ અને રુ. ૫૦ હજારનો દંડ તેમજ જો આરોપી દંડ ન ભરે તો એક વર્ષની સાદી કેદની સજા ફરમાવી હતી.જ્યારે જાતીય ગુનાઓ સામે બાળકોને રક્ષણ આપતા અધિનિયમની કલમ ૧૧ સાથે વાંચતા કલમ ૧૨ મુજબ પણ આરોપીને એક વર્ષની સખત કેદની સજા તથા રુ. ૧ હજારનો દંડ અને જો આરોપી દંડ ન ભરે તો વધુ એક માસની સાદી કેદની સજાનો હુકમ કર્યાે હતો.SS1MS
