અમદાવાદ, પશ્ચિમ રેલ્વેના અમદાવાદ મંડળે ચાલુ નાણાકીય વર્ષ 2025-26 દરમિયાન ફ્રેઈટ લોડિંગ ક્ષેત્રે ઉત્કૃષ્ટ પ્રદર્શન કરતાં 23 માર્ચ 2026 સુધી 50.10 મિલિયન ટન (MT)નો આંકડો સફળતાપૂર્વક પાર કર્યો છે. આ ગયા વર્ષ કરતાં આશરે 4 મિલિયન ટન વધુ છે, જે મંડળની સતત પ્રગતિ અને કાર્યક્ષમતાને દર્શાવે આપે છે.
મંડળ રેલ પ્રબંધક શ્રી વેદ પ્રકાશના નેતૃત્વ હેઠળ અમદાવાદ મંડળના પરિચાલન અને વાણિજ્ય વિભાગોની ટીમ દ્વારા અપનાવવામાં આવેલી પ્રભાવી રણનીતિઓ — જેમ કે રિયલ-ટાઈમ મોનીટરીંગ, ઝડપી નિર્ણય પ્રક્રિયા અને સંસાધનોનો શ્રેષ્ઠ ઉપયોગ — એ આ ઉપલબ્ધીમાં માં મહત્વપૂર્ણ યોગદાન આપ્યું.
ઉલ્લેખનીય છે કે અગાઉના નાણાકીય વર્ષ 2022-23 દરમિયાન મંડળે 50.38 મિલિયન ટનનું સર્વોચ્ચ લોડિંગ નોંધાવ્યું હતું. ચાલુ વર્ષમાં ફરીથી 50 મિલિયન ટનનો આંકડો પાર કરવો અમદાવાદ મંડળની સતત પ્રગતિ અને ઊંચી કામગીરી ક્ષમતાને દર્શાવે છે.
અમદાવાદ મંડળે માલગાડીઓના સુચારુ અને સમયસર સંચાલન, રેકની પ્રભાવી ઉપલબ્ધતા અને ઉપયોગ, ટર્નઅરાઉન્ડ સમયમાં ઘટાડો તેમજ લોડિંગ-અનલોડિંગ પ્રક્રિયાઓના કાર્યક્ષમ સંચાલન દ્વારા આ લક્ષ્ય પ્રાપ્ત કરવામાં આવ્યું છે.સાથે જ, ગ્રાહકો સાથે સતત સંવાદ, નવી તકોની ઓળખ અને ગ્રાહક-અનુકૂળ સેવાઓના વિસ્તરણથી ફ્રેઈટ લોડિંગમાં સતત વૃદ્ધિ સુનિશ્ચિત કરવામાં આવી છે.
અમદાવાદ મંડળ દ્વારા કોલસો, સિમેન્ટ, ખાતર, કન્ટેનર તથા પેટ્રોલિયમ ઉત્પાદનો સહિત વિવિધ માલસામાનના લોડિંગમાં સતત વૃદ્ધિ નોંધાઈ છે, જેના કારણે ન માત્ર રેલ્વેની આવકમાં વધારો થયો છે,પરંતુ પ્રાદેશિક ઔદ્યોગિક અને આર્થિક પ્રવૃત્તિઓને પણ વેગ મળ્યો છે.
આ સિદ્ધિ પશ્ચિમ રેલ્વેની “પરિચાલન શ્રેષ્ઠતા, ગ્રાહક સંતોષ અને સતત વિકાસ” પ્રત્યેની પ્રતિબદ્ધતાને મજબૂત બનાવે છે અને મંડળની સુવ્યવસ્થિત કાર્યપદ્ધતિ, કુશળ પ્રબંધન અને સંકલિત પ્રયત્નોનું પરિણામ છે.
ઉલ્લેખનીય છે કે ચાલુ નાણાકીય વર્ષમાં અમદાવાદ મંડળ ભારતીય રેલ્વેમાં મીઠું, કન્ટેનર, ખાતર તેમજ પેટ્રોલિયમ, ઓઈલ અને લુબ્રિકન્ટ્સ (POL) જેવા મુખ્ય માલસામાનના લોડિંગમાં પ્રથમ સ્થાન પર રહ્યું છે, જે મંડળના ઉત્તમ પ્રદર્શનને દર્શાવે છે.
અમદાવાદ મંડળ ભવિષ્યમાં પણ નવીનતા, કાર્યક્ષમતા અને સમર્પિત પ્રયત્નો દ્વારા નવા કીર્તિમાન સ્થાપિત કરવા પ્રતિબદ્ધ છે.
