ગુજરાત સરકારના માહિતી-પ્રસારણ વિભાગના કર્મયોગીઓ ‘ન્યૂ મીડિયા’ માટે તાલીમબદ્ધ થશે
માહિતી વિભાગના અધિકારીઓ–કર્મચારીઓને કમ્યુનિકેશન અને સોશિયલ મીડિયાની તાલીમ અપાશે –માહિતી કમિશનરની કચેરી ખાતે સ્ટુડિયો સ્થાપિત કરવામાંMICAઆપશે ટેકનિકલ સહયોગ
ગુજરાત સરકારના માહિતી અને પ્રસારણ વિભાગ હેઠળ કાર્યરત માહિતી કમિશનરની કચેરી અને સંચાર ક્ષેત્રની દેશની અગ્રણી શૈક્ષણિક સંસ્થા MICAવચ્ચે મહત્વપૂર્ણMoUપર હસ્તાક્ષર કરવામાં આવ્યા છે.
માહિતી કમિશનરશ્રીની કચેરી ખાતે માહિતી કમિશનર શ્રી કે. એલ. બચાણી અનેMICAવતી એસોસિએટ ડીન પ્રોફેસર શ્રી સુરેશ મલોડિયા તેમજCDMC-MICAના ચેર ડો. મનીષા પાઠક શેલત દ્વારા સમજૂતી-પત્ર પર હસ્તાક્ષર કરવામાં આવ્યા હતા.
આ અવસરે કમિશનર શ્રી કે. એલ. બચાણીએ જણાવ્યું હતું કે,માહિતી અને પ્રસારણ વિભાગ અનેMICAવચ્ચેના સંયુક્ત પ્રયાસોથી ગુજરાત સરકારની પબ્લિક કમ્યુનિકેશન ઇકો-સિસ્ટમ વધુ મજબૂત બનશે. તેમણે ઉમેર્યું કેMICAની તાલીમથી માહિતી અધિકારીઓ વધુ લોકભોગ્ય ભાષામાં માહિતી પહોંચાડી શકશે.
માહિતી વિભાગના અધિકારીઓ અને કર્મચારીઓની ક્ષમતા-વર્ધન માટે આMoUકરવામાં આવ્યા છે.MICAના નિષ્ણાતો માહિતી વિભાગના અધિકારી-કર્મચારીશ્રીઓ માટે વિશેષ ઇન્ટરેક્ટિવ તાલીમ કાર્યક્રમોનું આયોજન કરશે.
CDMC-MICAના ચેર ડો. મનીષા પાઠક શેલતે આ સંદર્ભે જણાવ્યું હતું કે,આMoUશિક્ષણ જગત અને સરકાર વચ્ચે કમ્યુનિકેશન,મીડિયા,રિસર્ચ અને જાહેર જોડાણની ક્ષમતાઓને મજબૂત કરવા માટેની એક મહત્વપૂર્ણ ભાગીદારી છે. આ સહયોગથીMICAસ્ટ્રેટેજિક કમ્યુનિકેશન,કન્ઝ્યુમર ઇનસાઇટ્સ,ડિજિટલ મીડિયા અને ઉભરતી ટેકનોલોજીના ક્ષેત્રમાં પોતાની નિપુણતાનું યોગદાન આપશે. અમારો દ્રઢ વિશ્વાસ છે કે આ ભાગીદારી નાગરિક-કેન્દ્રી અને નવીન સંચાર પહેલોના નિર્માણમાં મદદરૂપ સાબિત થશે,જે ગુજરાત સરકાર અને સમગ્ર સમાજ બંને માટે સકારાત્મક પ્રભાવ ઊભો કરશે.
આMoUઅંતર્ગત માહિતી વિભાગના અધિકારીઓને આધુનિક કમ્યુનિકેશન પ્રવાહોથી અવગત કરાવવા ઇફેક્ટિવ કમ્યુનિકેશન સ્ટ્રેટેજી,સ્ટેકહોલ્ડર એન્ગેજમેન્ટ,સોશિયલ મીડિયા આઉટરીચ,આર્કાઇવિંગ અને ડોક્યુમેન્ટેશન,મીડિયા એન્ડ ઇન્ફોર્મેશન લિટરસી,લીડરશીપ એન્ડ સ્કિલ ડેવલપમેન્ટ જેવા વિવિધ વિષયો પર તાલીમ આપવામાં આવશે.
માહિતી કમિશનરની કચેરી હેઠળ કાર્યરત ઈલેક્ટ્રોનિક મીડિયા ભવન,સે-16ખાતે સ્ટુડિયો સ્થાપિત કરવા માટે પણMICAજરૂરી ટેકનિકલ માર્ગદર્શન અને સહાય પૂરી પાડશે.
MICA અને માહિતી -પ્રસારણ વિભાગ વચ્ચેના સંબંધો વધુ સુદ્રઢ બનાવવા સ્પેશિયલ રિલેશનશિપ મેનેજરની નિમણૂક કરવામાં આવશે. આ ઉપરાંત જ્ઞાનના આદાન-પ્રદાન માટેMICAના નિયુક્ત ફેકલ્ટી સભ્ય સરકારી કચેરી ખાતે યોજાતી માસિક સમીક્ષા બેઠકમાં પણ ભાગ લેશે. આમ, MICAગવર્મેન્ટ કમ્યુનિકેશનને વધુ અસરકારક બનાવવામાં સહયોગી બનશે.
