હિન્દી સિનેમાના પરફેક્શનિસ્ટ આમિર ખાનની બ્લોકબસ્ટર ફિલ્મની સિક્વલ બનવા જઈ રહી છે. આ ફિલ્મમાં આમિર ખાન સાથે કરીના કપૂર ખાન, આર માધવન અને શરમન જોશી હતા. હા, તમે બરાબર સમજ્યા. આ ફિલ્મનું નામ ‘3 ઈડિયટ્સ’ છે. આ ફિલ્મ વર્ષ 2009માં સિનેમાઘરોમાં રિલીઝ થઈ હતી અને તેણે બોક્સ ઓફિસ પર રેકોર્ડ તોડ્યા હતા.
સ્ક્રિપ્ટ ફાઇનલ
પિંકવિલાના અહેવાલો અનુસાર, રાજકુમાર હિરાનીએ ‘3 ઈડિયટ્સ 2’ની સ્ક્રિપ્ટને ફાઈનલ કરી દીધી છે. એવું કહેવામાં આવી રહ્યું છે કે આ ફિલ્મનું શૂટિંગ વર્ષ 2026માં શરૂ થશે. ખાસ વાત એ છે કે તેની સિક્વલમાં આઇકોનિક સ્ટાર કાસ્ટ પરત ફરશે. હા, આમિર ખાન, કરીના કપૂર ખાન, આર. માધવન અને શર્મન જોશી સિક્વલનો ભાગ હશે.
કેવી હશે સિક્વલની વાર્તા?
સૂત્રએ કહ્યું, “ટીમ ઉત્સાહિત છે. તેમને લાગે છે કે ભાગ 1માં જે જાદુ જોવા મળ્યો હતો તે જ સિક્વલમાં જોવા મળશે.” એવું પણ કહેવામાં આવી રહ્યું છે કે ‘3 ઈડિયટ્સ’ના ક્લાઈમેક્સ સીનમાં રેન્ચો, ફરહાન અને રાજુના અલગ થયાના લગભગ 15 વર્ષ પછીની સ્ટોરી સિક્વલમાં બતાવવામાં આવશે.
આમિરે તેની ફિલ્મ હોલ્ડ પર મૂકી દીધી
રિપોર્ટમાં એવો પણ દાવો કરવામાં આવી રહ્યો છે કે આમિર ખાન અને રાજકુમાર હિરાનીએ તેમની દાદાસાહેબ ફાળકે બાયોપિકને હાલ માટે રોકી દીધી છે કારણ કે તેઓ સ્ક્રિપ્ટથી સંતુષ્ટ નથી.
